Tswv Qhia Tagle hais nyob Mas Kaus tias : “Thov kom lub Koom Txoos As Xias rov txhim kho kev nyob ua ke hauv txheej AI lub tswv yim tsim tawm.”
Tswv Qhia Tagle tau thov kom lub Koom Txoos As Xias muab cov hauj lwm tshaj lub Moo Zoo nyob Online los ua ib tug thiab ua kev sib koom tes ntawm tib neeg tiag tiag.
Nws hais txog lub ntsiab lus “Magnifica Humanitas txoj kev hauv lub Cheeb Koom Txoos, kom tau ua qhov chaw tshaj lub Moo Zoo nyob As Xias.” Tus lwm thawj tswj hauv lub pwm tsav tshaj lub Moo Zoo hais tias : “Tab txawm tej twj hauv Technology yuav hloov mus sai nyob hauv txhua txheej, tsis kav kev xav tau, kev xav thiab kev npau suav fab ntsuj plig ntawm tib neeg kuj tsis tau hloov.”
Kev mus ua ke hauv Synodal, zoo li kev sib koom ua ib lub cev muaj sia. Tswv Qhia Tagle tau piav txog kev sib luag luv luv. Nws hais tias yog hais txog ‘kev mus ua ke hauv tib txog kev’, uas muaj 3 tug ncej sib txuas ua ke. Yog kev ua ib tug, kev muaj feem cuam thiab kev tshaj lub Moo Zoo. Nws hais txog Vas Tis Kas Ob tsab ntawv ‘Lumen Gentium thiab Gaudium et Spes. Nws tau txhib cov tuaj sau siab tias : “Lub Koom Txoos raug hu kom ua lub Cim thiab ua qhov twj hauv kev sib luag rau ib tsoom neeg.” Hauv kev ua ib tug tseeb tiag, nws tau hais tias : “Tshwm sim thaum cov neeg ntseeg zeem tseeb txog kev sib koom siab tiag tiag nrog kev sov siab, kev tu siab thiab kev txhawj xeeb ntawm sawv daws, uas tsis xav txog yav tag hauv kev ntseeg.” Nws tseem hais ntxiv tias : “Lub hwj chim thiab lub zog ntawm cov neeg ntseeg yuav ua tub txib rau sawv daws ntau dua qhov txiaj ntsim qab hau tau los ntawm pab pawg.” Nws thov kom muaj kev dawb huv, kev saib xyuas thiab kev soj ntsuam ua ntu zus.
Tus pej thuam Npas Npes, AI lub tswv yim tsim tawm thiab kev tso hem thawj txog cov ntsiab lus hauv digital.
Tswv Qhia Tagle tau hais txog yav tom ntej hauv Digital txheej tshiab thiab AI lub tswv yim tsim tawm kev loj hlob, uas ua kom txhob pub Technology los hloov kev xa xov sib raug zoo. Nws muab zaj hais txog tus pej thuam Npas Npes hauv Ntawv Ntshiab los ua piv txwv. Nws ua kom pom tias txhua yam hauj lwm uas ua los ntawm kev txaus siab, kev vam txog tus kheej thiab kev quab yuam kom muaj kev sib luag, yuav coj mus txog kev sib tham uas sib tawg thiab kev sib tawg uas zam tsis tau. Nws hais tias thaum kev sib tham raug txo qis lawm tsuas tshuav lub tswv yim thiab Technology, mas nws yuav pauv neeg kev sib tham tseeb tiag mus rau tej lus cuav. Nws ua piv txwv txog lub ntiaj teb tseeb tiag, xws li kev ntxias dag thiab cov lus cuav hauv digital. Tswv Qhia txhawj xeeb txog qhov uas platform online kheev kheev raug siv ua riam phom, kom tau ntxias dag cov neeg tsis muaj zog thiab nrhiav txiaj ntsim qab hau hauv kev cuav.
Kev rov qab kho qhov tseem ceeb thiab ua tim khawv rau tus kheej.
Thaum zeem tseeb tias lub Koom Txoos txhawb nqa kev vam meej fab kev tshawb fawb thiab Technology, mas Tswv Qhia Tagle hais tias platform digital tsis ntis neeg lub meej mom thiab tej kev xav, uas yog tus tsim tawm raws li Tswv Ntuj lo lus. Tso nej ruaj khov rau hauv Yes Xus kev nyob thiab Zam thawj tsab ntawv. Nws thov cov tus tshaj Ntuj Lus As Xias tias ; cov neeg ntseeg qhov pov thawj tshwm sim nyob hauv kev sib tham nrog Leej Pleev thiab tshaj yam uas tau pom tau hnov thiab tau kov. Nws cov lus xaus yog thov kom cov tshaj lub Moo Zoo nyob Online soj ntsuam txog nyias cov hauj lwm niaj hnub. Nws txhib kom lawv siv cov twj txheej tshiab ua qhov chaw cia siab tiag tiag. Txhawb nqa kev sib koom siab thiab ua kom pom txog kev pom dej siab ntawm Tswv Ntuj. Zoo dua qhov muaj feem cuam hauv kev tsim lub suab ntxhe, sib thuam thiab sib tawg nyob hauv Online.
