Tus neeg laus uas nws ua hauj lwm pab neeg ntawm Kav Tos Liv hais tias ; kev txiav kev pab ua rau kev txom nyem nyob Kos Lim Pej txhab ntxiv
Tus neeg ua hauj lwm pab neeg ntawm Kav Tos Liv uas nws yog neeg Xus Is, nws yog ib tug neeg paub txog kev ua hauj lwm nyob Kos Lim Pej los ntau caum xyoo. Nws hais tias kev txiav kev pab cuam ntawm cov teb chaws, tab tom ua rau kev txom nyem ntawm tsoom pej xeem phem dua qub. Txawm tias lub teb chaws no tseem txwv tsis pub xa tib neeg kev ncaj ncees kom txhij txhua kuj xij.
Kev sib tham hauv lub rooj sab laj uas yog lub sam thiaj pub kev thaj yeeb nyob ntug hiav txwv Kos Lim, uas yog lub Cheeb Koom Txoos Xes Us ua tus npaj kom tau nco txog 30 xyoo hauv kev tsim kev thaj yeeb. Katharina Zellweger hais tias ; kev rau txim hais txog cov hoob pob Nuclear nyob Pis Yoos Yaas tsis tau ua kev nyuab siab rau cov thawj coj pes tsawg, tsis kav nws ua kom rov muaj kev tshaib nqhis rau cov neeg pluag txom nyem. Nws hais ntxiv tias : “Kev txiav kev pab cuam tab tom ua rau cov neeg pluag txom nyem haj yam poob qab, thiab zoo li kev tshaib nqhis tab tom ri mus yuav thoob lub teb chaws dua.” Nws hais tias lub teb chaw no qhov yuav nkag mus txog nyuab kawg txij thaum tus kab mob COVID-19 sib kis los. Tab sis nws cia siab tias qhov kawg ntawm txoj kev tws, yuav ua kom rov nkag mus tau.
