Tus Tswv Qhia Fis Lis Pees tsis txaus siab txog teeb meem dej phem zuj zus, nws thov kom muaj kev saib xyuas

Thaum tsoom pej xeem tab tom ntsib teeb meem tsis muaj dej huv siv nyob hauv niaj hnub. Tswv Qhia Abcede uas nyob hauv lub Cheeb Koom Txoos Daet nyob Fis Lis Pees teb, tau xyav lus tsis zoo txog kev saib xyuas dej hauv lub xeev tias phem kawg. Nws thov kom cov Koom Haum pej xeem, cov nom hauv zej zog thiab lub pwm tsav uas muaj feem cuam ris lub nra ntawd.

Tswv Qhia hais tias lub Koom Txoos txhawj xeeb kawg, vim tsoom pej xeem nyob hauv ntau qhov chaw ntsib teeb meem tsis muaj dej siv los ntau lub hlis. Thiab qee qhov chaw tseem tshaib dej yuav luag txwm xyoo. Vim yog tsis muaj ib lo lus meej tseeb, tsis muaj kev saib xyuas thiab kev daws kho kom zoo txaus.

Tswv Qhia Abcede ua tus theej tsoom pej xeem lub suab hu thiab taij thov yam muaj meej mom rau lub Koom Haum Prime Water, cov nom kav zej zog thiab cov muaj feem cuam nrog daws cov teeb meem no. Tswv Qhia tau tawm los hais lus kiam, thiab thov kom muaj kev saib xyuas txog yam uas tib neeg cheem tsum siv, xws li tsis muaj kev saib xyuas txog dej. Tshwj xeeb tshaj yog tom qab muab tso rau cov Koom Haum pej xeem ua tus saib xyuas. Kev lees txais saib xyuas yuav rais ua txoj hauj lwm hauv kev ncaj ncees.