Hauv xyoo 2022, kwv yees 60 feem pua ntawm ib tsoom neeg nyob ntiaj teb, yog nyob sab As Xias teb. Thiab cov neeg As Xias ze ntawm 40 feem pua yog cov neeg pluag txom nyem. Tab txawm cov neeg pluag yuav muaj kev txhawb nqa me me hais txog tso pa iav nyob thoob ntiaj teb, tsis kav lawv kuj yog thawj cov neeg uas tau txais kev kub ntxhov los ntawm huab cua heev tshaj plaws.
Caritas Asia muaj 25 lub Koom Haum nyob hauv 24 lub teb chaws, muab siab rau uas yuav daws cov teeb meem no. Lub Koom Haum no zoo ib yam lub Caritas Internationalis nyob ntiaj teb thiab ua hauj lwm rau tas cov teb chaws. Caritas Asia muab siab rau txog kev tuav xam thiab ua hauj lwm nyob hauv zej zog. Nws koom tes nrog cov Cheeb Koom Txoos muab siab rau txog nyias lub Cheeb Koom Txoos. Lawv muab sob lus hauv Laudato Si los siv. Caritas Asia tau ua kom kev txhawb siab hauv kev saib xyuas thiab txhim kho muaj tus coj uas yuav los ua hauj lwm. Yog ib feem nyob hauv 3 qho tseem ceeb ntawm xyoo 2022-2025. Kev sib koom tes nrog FABC nyob hauv Office for Human Development/ Climate Change Desk yuav pab txhawb lub tswv yim khov kho nyob hauv kev pib cov hauj lwm no.
Qhov kev paub no tseem ceeb nyob hauv kev pib tiam neeg hais txog cov sawv cev ntawm Caritas Luxembourg, uas lawv tau ncig siab xyuas ntug dej hiav txwv nyob Npees Las Deb qab teb. Yog thaj tsam uas tau txais kev kub ntxhov loj kawg los ntawm huab cua pauv ntxeev, lub caij sab laj ua ntej yuav mus rau Caritas Bangladesh nyob Dhaka. Muaj qee tus thawj coj ua xyem xav txog kev kub ntxhov uas los raug. Txawm li cas kuj xij, tom qab lawv ncig tsham xyuas Satkhira uas nyob ntawm ntug dej hiav txwv li 3 hnub thiab nrog tsoom pej xeem tuav xam tas. Lawv lub tswv yim kev xav tau pauv mus. Lawv muaj kev tu siab thiab khuv leej txog tsoom pej xeem tej kev txom nyem uas lawv tau txais. Lawv thiaj sib sau peev nyiaj txiag kom tau tsim vaj tse rau cov pej xeem nyob thiab txhawb nqa tsoom pej xeem txoj kev khwv nyiaj. Kev mus ncig tsham zaum no, zoo li yog ib sob kawm uas tseem ceeb kawg. Qhov uas lawv tus kheej kiag tau pom kev kub ntxhov, nws ua rau lawv txoj kev ua xyem xyav hloov los ua kev txhawb nqa uas tseem ceeb.
