Hnub Rau Ntshiab nco txog dab tsi ?
Hnub Rau ua ntej ntawm lub Caij Hla, yog hnub cov neeg ntseeg nco txog Yes Xus raug ntsia saum ntoo cuam thiab Yes Xus tuag. Hnub so ntawm cov neeg ntseeg no hu tias : Hnub Rau Ntshiab. Hnub Rau uas loj tshaj thiab yog Hnub Rau dub nciab. Ntawm cov neeg ntseeg, mas Hnub Rau Ntshiab yog hnub tseem ceeb nyob hauv nruab xyoo, vim yog kev tsuj xeeb tias yog hnub kawg hauv lub lis piam tseem ceeb nyob ntiaj teb.
Suav txij hnub Yes Xus tuag thiab sawv rov los, cov neeg ntseeg tau tshaj Ntoo Cuam thiab Yes Xus txoj kev sawv rov los ua kev hloov dua tshiab ntawm tas txhia yam. Leej Ntshiab Paj Lug hais tias : “Yog thawj yam tseem ceeb tshaj” uas Yes Xus tuag daws peb cov txhaum. Raug faus, raug tsa kom hnub 3 sawv rov los raws li Tswv Ntuj cov lus cog nyob hauv Ntawv Ntshiab.
Hnub Rau Ntshiab peb nco txog hnub Yes Xus raug kev txom nyem thiab nws tuag nyob saum Ntoo Cuam, kom tau txhiv peb cov txhaum. Lub Caij Hla yog kev tsuj xeeb Yes Xus sawv rov los thiab muaj hwj chim ci ntsa iab. Nws yeej kev txhaum thiab txoj kev tuag. Thiab qhia txog kev sawv rov los ntawm ib zeej tsoom neeg rau yav tom ntej, yog tus twg ntseeg txog nws.
