Lo lus hauv lub neej, lub 6 hli 2025. (The word of life for June 2025)
Nej muab mov rau lawv noj mas !
Nyob hauv Lus Kas ntawv Moo Zoo zaj 9, qib 13.
Peb nyob hauv ib qho chaw nraim ze lub nroog Npes Xais Das nyob Nkas Lis Lais teb. Yes Xus tab tom qhia txog Tswv Ntuj lub Ceeb Tsheej rau ib pab neeg coob coob. Yes Xus mus nrog nws cov Thwj Tim nyob ntawd, kom lawv tau so me ntsis tom qab txhua yam ntxhov quav niab nyob Nkas Lis Lais. Lawv tau qhuab qhia thiab thov kom tig los yuav lub siab tshiab. Lawv tshaj lub Moo Zoo mus thoob txhua txhia qhov chaw thiab kho cov neeg mob coob leej. Lawv sab tab sis muaj kev sov siab, thaum lawv piav txog tej yam lawv tau ntsib los. Txawm li cas kuj xij, thaum muaj neeg tau hnov yam lawv ua, mas cov neeg uas hnov lawv kuj tuaj koom. Yes Xus tos txais sawv daws, nws mloog lawv, nws hais lus thiab kho cov neeg muaj mob, ces muaj neeg raws Yes Xus coob zuj zus. Thaum yuav tsaus ntuj, sawv daws kuj pib tshaib plab. Cov Thwj Tim ntxhov siab txog tej yam no, thiab lawv xav daws teeb meem kom tsim nyog qhov lawv nyob ntawm lawv tus tswv xub ntiag. Xa lawv mus, kom lawv tau mus hauv tej zej zog thiab nrhiav txhiam xws noj. Vim lawv xav tias Yes Xus tau ua los ntau thiab txaus lawm, tab sis Yes Xus hais tias :
“Nej muab mov rau lawv noj mas !”
Cov Thwj Tim poob siab kawg, lawv tsuas muaj 5 lub ncuav mov thiab 2 tug ntses qhuav xwb, yuav ua cas txaus ntau txhiab leej neeg noj. Tsis tuaj yeem yuav mus nrhiav tau txhiam xws noj thiab yam tseem ceeb nyob hauv tej qhov chaw me me, xws li Bethider, thiab lawv kuj tsis muaj nyiaj txaus yuav txhiam xws noj. Yes Xus xav qhib lawv qhov muag, Yes Xus paub zoo txog teeb meem thiab kev xav tau ntawm ib tsoom neeg. Yes Xus xav nrhiav kev daws teeb meem rau lawv. Yes Xus ua li no uas yog pib ntawm qhov tseeb thiab saib tej yam lawv muaj yog qhov tseem ceeb. Cov Thwj Tim muaj tsawg, tab sis Yes Xus muab txoj hauj lwm rau lawv. Yes Xus thov kom lawv ua Tswv Ntuj tes taw hauv kev khuv leej thiab saib xyuas Tswv Ntuj cov me nyuam. Tswv Ntuj xav tau lawv. Hwj huam yees ntxwv xav tau kev pib thiab kev ntseeg ntawm peb, ces Tswv Ntuj thiaj coj lawv mus deb dua ntawd.
“Nej kom lawv noj dab tsi ?”
Yes Xus nkag siab txog cov Thwj Tim lub tswv yim, tab sis thov kom lawv nyias ua nyias yam. Tab txawm yuav muaj feem txhawb nqa ntawm lawv me me, tsis kav Yes Xus kuj tsis yog saib tsis taus lawv txoj kev daws teeb meem. Kev ua hwj huam yees ntxwv yuav tshwm sim, tab sis yuav vam txog kev muaj feem cuam puv npo ntawm lawv. Thiab kom lawv siv yam lawv muaj thiab yam nrhiav tau. Nov yog hais txog kev muab tus kheej thiab kev tso siab rau Yes Xus. Yes Xus yog xib hwb thiab Yes Xus pib ntawm txhua yam uas tshwm sim nyob ib ncig lawv, kom lawv txawj sib saib xyuas. Thaum peb pom tias lwm tus xav tau kev pab, txhob xav tias tsis yog peb li hauj lwm, peb tsis tuaj yeem yuav ua dab tsi tau, los yog yuav ua zoo li lwm tus tsis muaj nuj nqis. Raws Tswv Ntuj lub tswv yim hauv ib tsoom neeg, tus pub mov rau tus tshaib plab noj, pub khaub ncaws rau tus pluag hnav, thiab saib cov neeg txom nyem, nws yog tus tau txais txoj hmoov zoo.
“Nej pub kom lawv tau noj ib yam dab tsi mas !”
Tam sim no ua kom peb rov nco txog ib ntu nyob hauv ntawv His Xais hais txog rooj mov uas Tswv Ntuj npaj rau txhua haiv neeg, thaum Tswv Ntuj yuav so sawv daws lub kua muag. Yes Xus kom sawv daws zaum ua tej pab, ib pab 50 leej. Yog cov lus peb hnov nyob hauv Ntawv Cog Lus Qub, uas hais txog cov caij nyoog tseem ceeb.
Yes Xus yog Leej Tub, tab sis nws ua xws li yog Leej Txiv. Ua kom pom txog nws txoj kev ua Tswv Ntuj. Yes Xus yuav pub txhua yam kom rais ua txhiam xws rau peb noj nyob hauv lub Cim Yug. Yog rooj mov ntawm tus yam ntxwv tshiab hauv kev sib faib. Nyob hauv lub caij muaj tus kab mob COVID-19 sib kis, pab neeg Fukulari uas nyob Barcelona, pib nco txog ntau yam kev txhawj xeeb uas cov neeg nyob ib ncig yuav ntsib. Lawv siv Online los tsim tej pab pawg neeg, kom tau sau txog txhua yam uas neeg xav tau thiab rho tej yam los siv. Lawv hais tias lawv zoo siab uas tau pom tej rooj tog, txhiam xws noj, tshuaj thiab tej toob xib siv hauv vaj hauv tse. Lawv hais tias tias yog peb ib leeg ua xwb, mas peb ua tsis tau ntau. Tab sis yog peb sib koom tes, mas peb ua tau ntau heev. Tab txawm niaj hnub no pab neeg Fent familia tseem ua cov hauj lwm pab neeg, tsis kav paub tias tsis muaj neeg kam pab.
Nov yog thawj pab neeg ntseeg lub neej ua neeg ntseeg.
