Vim li cas koj thiaj txhawj thiab ntxhov siab? (Why are anxious and worried?)

Vim li cas koj thiaj txhawj thiab ntxhov siab? (Why are anxious and worried?)

Ntawv Moo Zoo hnub no ntawm peb, yog zaj ntawv Moo Zoo hais txog Mas Tas thiab Mab Liab uas neeg nyiam kawg. Qhov kuv hais tias neeg nyiam tas mus li, yog vim nws yog tus neeg uas kheev kheev tab kaum neeg coob leej. Kuv tau hnov lus xyav moo heev zuj zus. Kuv tsis paub tias dab tsi tshwm sim nyob ntawd ?

Txiv Plig, thov koj piav me ntsis pub rau kuv mloog.

Li ntawd, peb yuav mus rau Mas Tas thiab Mab Liab. Tab sis kuv xav kom peb mus nyeem ntawv Hauv Paus thaum peb tug txiv neej tuaj xyuas Has Nplas Has. Nws yog ib feem uas tshwm sim nyob hauv zaj hais txog Has Nplas Has thiab nws txawv heev. Nws txawv thiab ntxim siab nyob hauv tej kab ke cov txuj kev ntseeg thiab cov duab mlom. Qhov tseeb tiag, ib lub Cim loj nyob hauv Huab Tais 3 Leeg yog los ntawm zaj no thiab nov yog qhov pib. Tswv Ntuj yees tawm tuaj rau Has Nplas Has pom nyob hauv tsob qab ntoo. Kuv paub tias Has Nplas Has nyob ntawd. Yog hnub uas sov heev thiab nws zaum nyob hauv lub tsev ntaub. Muaj qhov hais meej tseeb tias Tswv Ntuj yees tawm tuaj rau nws pom. Li ntawd, Tswv Ntuj tab tom yees tawm tuaj. Nyob hauv Ntawv Cog Lus Qub, Tswv Ntuj yees tawm tuaj ntau zaus. Kev yees tawm tuaj ntawm Tswv Ntuj muaj tus Tshiab ua tus cev lus. Has Nplas Has tab tom zaum ntawm lub qhov rooj tsev ntaub, vim hnub ntawd yog ib hnub sov heev. Thaum Has Nplas Has tsa muag saib, nws pom 3 tug txiv neej tuaj sawv ze ntawm nws. Nws pom dheev lawv, nws cia li sawv tsees ntawm nws lub qhov rooj tsev ntaub mus tos txais lawv. Nws khoov hauv av pe lawv, nws hais tias : “Huab Tais, yog kuv thov kev pab ntawm koj tau, mas thov koj qhia kuv paub tias; kuv zoo siab ua rau koj.”

Muaj tej zaj me me thiab txawv txav tshwm sim ntau zaus li no, peb thiaj hnov tias kev yees tawm tuaj ntawm Tswv Ntuj yog qhov ntxim siab. Tswv Ntuj yees tawm tuaj nyob hauv peb tug txiv neej los yog 3 tug Tshiab. Vim li cas thiaj yog 3 leeg ? Cov neeg ntseeg nyiam zaj no kawg, vim Tswv Ntuj zoo li peb leeg ua yeeb yam nyob hauv ib tug. Thaum tsa muag saib nws pom lawv, thiab nws khiav mus tos txais lawv. Nov yog tus yawm sij tseem ceeb hauv cov zaj. Thaum Tswv Ntuj yees tawm tuaj rau koj, mas koj tsis nyob twj ywm. Koj tsis tos txog tag kis, koj tsis hais tias tos lwm lub sij hawm tso, vim muaj qee yam tseem ceeb dua. Koj tsis ua li ntawd, koj yuav khiav mus. Thaum Tswv Ntuj tuaj nyob hauv koj lub neej, koj yuav tsis ua dab tsi dog dig. Koj yuav tsis zam kev, koj yuav khiav mus cuag Tswv Ntuj. Qhov no yog qhov kuv pom tias ntxim siab heev. Has Nplas Has khiav mus tos txais lawv, nws khoov hauv av pe lawv.

Li ntawd, rov hais dua ib zaug tias ; nov yog kev lees txais qhov Tswv Ntuj yees tawm tuaj rau nws pom. Khoov hauv av pe, yog tus yam ntxwv ntawm kev hawm. Nov yog qhov ntxim siab tiag tiag. Nws hais tias : “Huab Tais, kuv thov nug koj tias vim li cas nws thiaj hais lus rau 3 tus neeg ?” Vim li cas nws hais tias : “Huab Tais, muaj kev ua si txawv txawv ntawm cov lus hais txog peb thiab ib. Vim peb tau hnov tias Tswv Ntuj yees tawm tuaj.” Ntawd yog tib tug Tswv Ntuj, thiab Tswv Ntuj yees tawm tuaj nyob hauv 3 tug txiv neej uas Has Nplas Has hawm. Kuv paub tias qhov ntawd tsim nyog rau Tswv Ntuj, vim Has Nplas Has hu lawv ua Huab Tais. Zoo li lawv peb leeg yog ib tug. Tam sim no koj pom lawm tias ; vim li cas cov kab ke thiaj pom tias muaj qee yam ntxim siab txawv txawv hais txog Huab Tais 3 Leeg ntawm Tswv Ntuj nyob ntawd ?

Has Nplas Has khiav mus, nws khoov hauv av pe thiab nws mus kev ntxiv. Nws tab tom txib nws tus tub txib tias : “Mus nqa me ntsis dej los rau nej ntxuav ko taw, ces nej thiaj zoo so hauv tsob qab ntoos no. Kuv yuav nrhiav ib qho mov rau nej noj kom nej lub siab muaj zog, ces nej mam li mus ntxiv. Kuv yuav ua rau koj kom kawg kuv lub zog.” Ntawd yog qhov Has Nplas Has tab tom hais. Has Nplas Has yog tus neeg tseem ceeb, nws yog tus neeg muaj hwj chim nyob hauv tsev neeg.

Qhov tseeb tiag kev muaj dej siab rau cov neeg tuaj tsham, yog ib feem hauv kev tos txais ntawm cov neeg As Xias nrab txheej thaud. Vim cov kab lis kev cai hauv teb chaws suab puam ntawd, kheev kheev yog qhov ciaj thiab qhov tuag. Muaj tej tus neeg tuaj ntsib koj, tej zaum lawv yog neeg nyob tsis muaj chaw thiab xav tau dej haus mov noj. Nws yog qhov zoo thiab nkag siab. Tab sis qhov ntxim siab tiag tiag, nws tob dua ntawd. Peb tab tom hais txog kev ua hwj huam yees ntxwv ntawm Tswv Ntuj. Yam uas peb pom nyob hauv txhua yam kev ua thiab Has Nplas Has tus yam ntxwv, yog kev ua yog. Kev ua yog rau Tswv Ntuj, yog hawm thiab txaus siab ua tub txib.

Tam sim no lub Koom Txoos muab zaj nyeem zaj hais txog Has Nplas Has rau peb xws li ib tug Yaj Saub, ua ntej yuav los nyeem Mas Tas thiab Mab Liab uas peb paub.   

Li ntawd, peb hnov tias Yes Xus mus hauv ib lub zos. Ib tug poj niam hu ua Mas Tas tos txais Yes Xus los hauv nws tsev. Tus poj niam ntawd muaj ib tug niam hluas hu ua Mab Liab. Mab Liab uas zaum nyob ntawm Huab Tais ko taw, nws mloog Huab Tais cov lus. Thaum Has Nplas Has pom Tswv Ntuj thiab nws nkag siab txog qhov ntawd. Nws muab tus kheej los ua hauj lwm yam txaus nkaus. Qhov ntawd yog kev ua ntawm Mab Liab nyob hauv zaj no. Ntawd yog qhov peb tsim nyog ua thaum Yes Xus tuaj. Koj yuav ua li cas yog tias Yes Xus yees tawm tuaj rau koj pom ? Koj txhob ua xyem xyav, koj yuav muab siab rau nrog Yes Xus nyob. Peb hnov tias Mas Tas rau siab ntso lis ntau yam qav num. Mas Tas hais rau Yes Xus tias :       

“Huab Tais, koj tsis quav ntsej tias kuv tus niam hluas cia kuv tib leeg lis qav lis num xwb lod ? Koj hais kom nws pab kuv thiab mas !”  

Qhov no yog qhov ua kom coob leej pom txog Mas Tas dej siab. Yes Xus hais tias : “Mas Tas, Mas Tas, koj txhawj thiab ua siab fab lis ntau yam. Tab sis yuav tsum muaj tsawg, tsuas yuav tib yam xwb. Mab Liab xaiv tau qhov zoo tshaj, yuav tsis txhob muab tshem ntawm nws.” Mab Liab ruaj nreb hauv kev teev Ntuj thiab cov kab ke, hos Mas Tas ruaj nreb hauv kev muab siab rau thiab ua siab fab lis dej num. Kev xav txog lub neej, yog qhov zoo tshaj kev nquag uas peb pom meej tseeb.

Ib lub Cim ntawm Has Nplas Has uas nyob hauv thawj zaj nyeem, yog nws tab tom ntxhov rau kev tos txais qhua. Nws npaj dej thiab npaj mov noj, nws puas yog zoo li Mas Tas ? Nws muaj feem nyob hauv kev tos txais qhua.

Rov mloog Yes Xus cov lus dua :

“Mas Tas, Mas Tas, koj txhawj thiab ua siab fab lis ntau yam.” Qhov no puas yog kev ua lub neej? Thaum kuv sau cov lus no, kuv tab tom xav txog yav tom ntej. Kuv tab tom xav txog kev mus kev uas kuv yuav tsum ua. Kuv tab tom xav txog kev npaj tus kheej hauv kev piav. Tam sim no kuv ntxhov siab thiab cua tsis zoo rau ntau yam. Qhov no yog kev ua lub neej. Teeb meem yog thaum peb nyo hau rau tej yam me me, uas ua rau peb ntxhov siab peb sib tawg, vim peb muab siab rau txog yam ntawd ntau dua. Kuv tau hais txog liab lawm puas yog ? Liab dhia ntawm ib tug ceg ntoo mus rau lwm tus ceg ntoo, nws yog qhov muaj ntsis zoo ib yam. Kuv ntxhov siab thiab txhawj txog ntau yam. Mab Liab xaiv tib yam xwb, nws yog dab tsi ? Yog Tswv Ntuj thiab Tswv Ntuj kev nyiam kev hlub. Thaum Tswv Ntuj tuaj nyob hauv koj lub neej, nws kuj qhia nws tus kheej. Ntawd yog yam uas koj lub neej xav tau. Tas koj txoj kev nyiam yuav nyob rawv ntawm Tswv Ntuj. Tswv Ntuj tsis tuaj yeem rais tau ua qho hauv ntau qhov uas koj ntxhov siab. Koj puas pom tias ntawd yog qhov tseeb ntawm kev yuam kev. Yog kuv hais tias kuv ntxhov siab rau yam no rau yam ntawd, thiab kuv ntxhov siab hais txog Tswv Ntuj. Kuv ua dab tsi txhaum. Kuv tau ua kom Tswv Ntuj rais ua yam muaj sia nyob ntiaj teb. Nws yog ib qho hauv kuv kev ntxhov siab. Tab sis Tswv Ntuj ua kom yog qhov tseeb tas nrho. Tswv Ntuj tsis yog ntxhov siab txog ib yam nyob hauv ntau yam kev ntxhov siab. Tswv Ntuj yog tib yam uas tsim nyog, ces Mab Liab tau xaiv tib yam uas tsim nyog raws li Leej Ntshiab Aus Nkus Tis Nus hais tseg tias :

“Nyiam Tswv Ntuj thiab nyiam txhua yam pub rau Tswv Ntuj.” Tam sim no nws tau coj Mas Tas thiab Mab Liab los sib ntsib, kom nyiam Tswv Ntuj. Tswv Ntuj yees tawm tuaj, nws khiav, nws pe hawm thiab nws ua tub txib. Tswv Ntuj yog tib yam uas tsim nyog thiab hauv kev txav mus los ntawd, txhua yam uas kuv ntxhov siab yog qhov nrhiav lawv txoj kev uas tsim nyog. Peb txhua tus yog neeg txhaum thiab yam uas tshwm sim rau peb, yog kuv ntxhov siab txog yam no thiab yam ntawd heev.

Qhov ntawd yog qhov uas yuav nyeem Mas Tais thiab Mab Liab nyob hauv Has Nplas Has. Nws ntxhov rau ntau yam dej num, tab sis tas txhua yam no kuj yog vim nws tsom ntsoov mus rau Tswv Ntuj thiab txhua yam ntawm Tswv Ntuj xwb.

Kwv tij Hmoob sawv daws ! Hnub no peb tham txog zaj “Vim li cas koj txhawj thiab ntxhov siab ?” los xaus li no xwb. Peb yuav ua li Mab Liab uas nws xaiv yam zoo tshaj thiab yam tsim nyog. Qhov ntawd yog Tswv Ntuj thiab mloog Tswv Ntuj. Peb txhob ua li Mas Tas uas nws siab fab rau kev lis ntau yam qav num, ces nws tsis nco qab txog Tswv Ntuj. Vim nws tsuas yog muab siab rau txog nws tej hauj lwm xwb.

Thov Huab Tais Yes Xus Pleev lub txiaj ntsim nrog nej nyob, ua nej siab kaj lug.

Lwm zaus peb mam sib ntsib dua, nej sawv daws nyob zoo !