ZAJ NYEEM HNUB TIM 18 LUB 12 HLIS 2025
HNUB TSIB, LIS PIAM 3 CAIJ TOS HUAB TAIS
COV LUS NYOB HAUV MAS TAIS NTAWV MOO ZOO (MT 1: 18-24)
Tswv Ntuj hlub ntiaj teb neeg, nws thiaj tuaj yeem xa nws Leej Tub nqes los kom tau cawm neeg. Tswv Ntuj tau npaj tej tus neeg kom los txais Tswv Ntuj txoj hauj lwm.
Kwv tij sawv daws, peb cov ntseeg sawv daws yog cov neeg uas Tswv Ntuj tau xaiv, los ua Tswv Ntuj cov hauj lwm. Yog li no, peb tau txoj hmoov zoo. Peb yuav tsum mloog Tswv Ntuj lub suab hu thiab ua raws li Tswv Ntuj lub siab nyiam, mas Tswv Ntuj cov hauj lwm thiaj tsheej xeeb tuaj tau.
Peb yuav tau txais txiaj ntsim ntau nyob rau hauv Tswv Ntuj tes dej num, thov kom peb muaj kev tso siab rau Tswv Ntuj zoo yam li Niam Mab Liab thiab Leej Ntshiab Yos Xes nkawd, vim nkawd tau ua ob tug qauv zoo rau peb.
Nyob rau hauv lub lis piam no twb yog los txog lis piam tim 3 lawm, tshuav ib lis piam ntxiv xwb, ces peb yuav npaj ua hmoov Yes Xus Yug Los.
Thov kom peb kub siab tig los nrhiav Tswv Ntuj thiab teev Ntuj, peb thiaj yuav tau txais koob hmoov ntawm Huab Tais Tswv Ntuj.
Los lus tias “Es Mas Nus Es,” Txhais tias, Tswv Ntuj nrog peb nyob. Yog ib lo lus zoo txhib peb siab, kom peb nco ntsoog npuab Tswv Ntuj thiab taug Tswv Ntuj txoj kev, ces peb thiaj yuav nrhiav tau kev kaj siab.
