Zaj nyeem hnub tim 31 lub 1 hlis 2026
Hnub nco txog Leej Ntshiab Zam Npos Kos
Cov lus nyob hauv Mas Kos Ntawv Moo Zoo (MK 4: 35-41)
Kwv tij sawv daws, ntau zaus peb ntsib kev txom nyem, raug kev nyuaj siab nyob rau hauv peb lub neej, kev ntxhov siab ua rau peb ntsia tsis pom Huab Tais Yes Xus tus uas nyob ib sab peb, qee zaus peb tab tom kub ntxhov txog peb tej teeb meem, los yog peb tej kev txom nyem kev nyuaj siab ntxhov plawv, peb tsis tig los ntsia Huab Tais Yes Xus.
Kev ua lub neej txom nyem, kev nyuaj siab txog peb lub neej, tsis raws lub siab xav, yog ib qho kev sim siab ntawm tus neeg muaj txoj kev ntseeg tias Tswv Ntuj tsis tau tso peb pov tseg, nyob rau hauv peb txoj kev ntseeg, yuav ua rau peb muaj kev ruaj siab tias, muaj Tswv Ntuj nyob nrog peb, nws nrog nraim peb tas mus li, tab yog peb tab tom poob rau hauv kev phem kev tsis zoo, tsis kav Tswv Ntuj kuj tseem nyob nrog nraim peb, nws tseem hlub peb li qub, yog peb tso siab rau nws thiab thov nws pab, mas nws yuav pab kom peb hla dhau tej xwm txheej ntawd.
Nyob zoo sawv daws.
