Zaj nyeem hnub tim 6 lub 1 hlis 2025 (Daily reflection)
Txoj kev xav hauv hnub no, kuv thov caw nej sawv daws xav tswv yim txog Zam Tsab Ntawv Ib zaj 4, uas Zam piav tias Tswv Ntuj cov me nyuam yuav tsis txhob mloog ntiaj teb neeg zaj tswv yim. Nws hais tias “Cov zoo nyiad, nej txhob ntseeg txhua leej txhua tus zaj tswv yim mog, nej yuav sim tib neeg tej zaj tswv yim ntawd saib puas yog tuaj ntawm Tswv Ntuj tuaj. Vim ntau tus yaj saub cuav tau ri mus nyob puv lub qab ntuj lawm.” Kwv tij zoo nyiam sawv daws, niaj hnub no, peb txais moo los ntawm txawv qhov chaws, tej zaus muaj moo cuav, tej zaus muaj moo tseeb. Li ntawd, txhob ntseeg txhua yam uas peb nyeem thiab txhob ntseeg txhua yam uas peb hnov. Cov ntseeg yuav tsum muaj kev ntseeg ruaj khov. Koj yuav tsum tsis txhob ntseeg dab tsi yooj yim. Yuav tsum saib kom tseeb, kom paub tseeb. Txawm tias muaj ib txhia lawv hais tias lawv tuaj ntawm Tswv Ntuj tuaj, lawv hais lus, lawv qhia hauv Tswv Ntuj lub npe, kuj yuav tsum saib uas qhov lawv hais los qhia puas yog Huab Tais Yes Xus cov lus qhia, puas yog Huab Tais Yes Xus Lo lus, puas yog lub Koom Txoos cov lus qhia? Lub tswv yim twg tsis zeem tseeb txog Yes Xus, mas nws tsis tuaj ntawm Tswv Ntuj tuaj, yog tus tiv Leej Pleev lub tsev yim.
Cov neeg hauv ntiaj teb no qhuas cov xib hwb cuav. Vim lawv hais lus raws li cov neeg xav hnov. Cov neeg feem ntau tsis xav hnov txog lawv tus kheej tej kev txhaum. Tsis xav mloog hu kom hloov tus lub neej. Leej Ntshiab Zam ua rau peb nco txog peb txoj hauj lwm tseem ceeb, yog tias peb yuav tsum ua tim khawv txog qhov tseeb, uas yog Huab Tais Yes Xus.
