Hais txog nceb thiab lub neej tom ntej hauv kev nyiam (fashion) (Mushroom and the futur of fashion)

Hais txog nceb thiab lub neej tom ntej hauv kev nyiam (fashion). (Mushroom and the futur of fashion)

Hnub no peb los tham txog kev nyiam ub nyiam no raws txheej tshiab los yog fashion. Tab txawm koj yuav ntxub qee yam fashion, tsis kav koj kuj muaj ib kem tsev los yog ntau lub phij xab ntim yam koj nyiam nyob hauv tsev. Hauv koj cov phij xab muaj txhua yam khaub ncaws nyob puv nkaus, xws li khaub ncaws tawv tsiaj, khaub ncaws ntaub lis loos, khaub ncaws xuas xov ntos thiab lwm yam ntaub uas yog fashion. Tas txhua yam no tseem ceeb, vim yog cov khaub ncaws fashion koj nyiam thiab yog teeb meem ntawm fashion uas sawv daws tab tom raug. Nov yog qhov uas cov tuam tsev xaws khaub ncaws tsim tawm 100,000 cev nyob hauv ib xyoos. Tab sis kuv xav tias nov yog lo lus teb uas yooj yim kawg, tsuav yog peb siv tsawg thiab muaj tsawg zuj zus xwb yog qhov zoo lawm. Tab sis 10 tawm xyoo tag los, kuv ntseeg tias tej yam no tsis quav ntsej txog qhov tseeb ntawm tib neeg kev ntshaw. Kev ntshaw tsis yog qhov yus nyiam xwb, nws yog qhov yus txaus siab, nws yog qhov yus xav tau hauv lub siab tuaj. Kev ntshaw yog kev xav tau tsis muaj txaus, uas yuav los khaws tseg thiab khav theeb.

Qhov tiag tiag kev ntshaw thiab nyiam yog yam uas nyob hauv peb tus kheej, tab sis kuj muaj qhov zoo thiab. Peb tuaj yeem tsim fashion mus ntev ntev thiab peb yuav ua yam peb ntshaw nrog kev tshawb fawb. Peb yuav ua yam no los hloov tib neeg uas yog hloov tej khaub ncaws los tej ntaub xov ntawd. Lo lus teb nyob hauv cov teeb meem fashion yog nyob hauv txhua yam zim txwv no, thiab yog peb txoj hauj lwm ntawm neeg tshawb fawb yuav tshawb nrhiav yam tshiab uas zoo tshaj kom haum tib neeg thiab coj los rau lub ntuj uas nyiam kev tsim tawm.

Kuv qaug quav rau tej yam ntuj tsim tawm, xws li tsev kab laug sab. Tsev kab laug sab yog cov sab uas ntom thiab zoo nkauj heev. Nws ruaj khov los ntawm kab laug sab tsim tawm. Kuv thiaj tau tsim ib lub Koom Haum thiab pib ua tej yam uas hais no. Yog txoj hlua coj ntawm caj dab (Neck tie) uas tsis tau muaj neeg ua dua nyob hauv tib neeg fashion. Kuv thiaj tau mus nrog cov kws xav tswv yim tsim tawm tham, ces lawv xav tias yam kuv xav ua ntawd zoo kawg. Tab sis lawv tsuas tham txog lawv tej teeb meem ntawm tawv tsiaj xwb, vim tawv tsiaj yog tej khaub ncaws uas ntiaj teb neeg nyiam kawg. Xyoo 2020 tib xyoos ntawd, 5 tug qauv uas zoo tshaj nyob Aws Los Pas hais txog kev muag khaub ncaws los siv sia tawv tsiaj, lawv muag tau 50,000 US dos las, thiab zim txwv no neeg nyiam heev. Tej tawv tsiaj ntawd kuj zoo li tawv nyuj uas tsis yog siv 10 tawm tus xwb, nws yog siv ntau tas nrho. Hais txog tawv nyuj nyob ntiaj teb nws yog qhov ua teeb meem rau txhua yam nyob ib puag ncig yav tom ntej ntawm peb. Li ntawd, kuv thiaj tau nrog lawv tham txog qhov tias yuav ua cas kom tawv yog tawv. Qhov tiag tsis tshua muaj neeg nyiam, vim tawv tsiaj yog los ntawm tawv nyuj. Peb nyiam siv, vim nws khov heev, nws zooj thiab zoo nkauj. Yog tias peb rho tej tawv nyuj tawm hauv kev tsim tawm lawm, peb yuav tsum nrhiav lwm yam los hloov kom zoo tshaj tej tawv nyuj ntawd.

Tam sim no kuv lub paj hlwb pib ua hauj lwm nrog txhua yam no thiab kuv xav tias : peb tuaj yeem cog tawv tau, peb tuaj yeem cog Collagen tau. Peb tuaj yeem siv nroj tsuag tau. Tab sis txhua yam no ua tsis tiav, vim yog zoo tsis txaus, peev nyiaj txiag los yog lub peev xwm ntawm kev ua kom haum tsis tiav. Ces yuav ua rau peb kis kab mob los ntawm qhov tuaj pwm. Kuv xav tias peb sawv daws yeej paub tias nceb yog dab tsi ? Kuv yuav ua kom nej pom txog qee hom nceb uas tuaj saum ntoo. Kuv nyiam qhov nws tuaj nyob sab hauv qab tawv ntoo. Vim nyob hauv tej ntoo muaj tej txoj hlab fiber me me ua tej txoj tej txoj txog plhom txoj uas peb hu ua mycelium uas noj ntoo. Ces xav tias koj yeej pom dua cov fiber dawb dawb nyob hauv lub qab nceb lawm. Cov ntawd nws yog mycelium. Cov mycelium no nws ua tej txoj ntev ntev thiab noj cov nroj lwj nyob hauv av, nws xa chiv mus yug nceb thiab txhua yam nyob ib ncig.

Tam sim no kuv los ua kom koj pom kiag. Collagen nyob sab laug, mycelium nyob sab xis. Koj yuav pom cov mycelium ntau ntau loj hlob nyob hauv tej lub tais, cov mycelium noj tej hmoov ntoo thiab nws ua tej yam li cov kab tuaj pwm ua tau zoo heev. Qhov ntawd yog qhov tsis muaj leej twg xav tau, tab sis yuav muab hloov kom nws muaj txiaj ntsim qab hau. Tiag tiag nws yuav loj hlob nyob hauv av, tab sis cov mycelium no loj hlob ua tej thooj loj loj uas peb hlais tau yooj yim. Qhov no yog qhov tshawb fawb coj los ua lub tswv yim tsim tawm. Peb yuav muab tej yam ntawd hloov los ua zoo li cov tawv tsiaj, nws yuav tsum zoo thiab siv tau. Tom qab uas raug sim ntau txhiab zaus, mas peb thiaj tau ib hom ntaub xov uas hu ua Mylo. Mylo ua tau txhua yam raws li qhov peb xav. Nws zoo nkauj, siv tau thiab kav ntev. Li ntawd thaum koj cog nceb, koj yuav siv chaw li 1 square meter los cog ib kis lus nceb. Yog muab piv rau nyuj, mas yuav siv chaw li 97 square meter nyob hauv ib tug. Thaum peb cog Mylo peb cog nyob hauv av kom ntom. Peb siv lub zog tsis txawj tag 100 feem pua los ua Mylo, qhov no yog Technology. Peb txhim kho tsis tu ncua thiab muab piv rau tawv nyuj, mas nws zoo tshaj plaws. Peb yuav ua cas cov ntaub xov no thiaj yuav ri mus thoob ntiaj teb kom haum rau zim txwv no. Yav tag los yuav tsum siv sij hawm li ntawm 10 tawm xyoo neeg ntiaj teb thiaj lees txais, xws li spandex uas yog cov xov ntaug. Peb yuav pom tau nyob hauv tej ris Jeans los yog Aris. Cov ntaub xov no raug tshawb tau nyob hauv xyoo 1950 thiab 50 xyoo tom qab no nws ri mus thoob ntiaj teb. Ua tsaug txoj kev pauv ntxeev ntawm huab cua uas tib neeg tsis muaj sij hawm 50 xyoo nyob tos, ces peb yuav tsum tau daws cov teeb meem no. Peb yuav tsum siv tej ntaub xov tshiab thiab tej peb xav tau heev. Kuv thiaj tawm mus thiab tsim yam uas peb hu ua Mylo Consortium yog tus qauv uas sawv daws paub. Xws li Stella McCartney, Lululemon, Kering thiab Adidas. Yog cov qauv ntawm txheej tshiab nto npe nyob hauv kev sib tw thiab kev xav tau. Kuv thiaj hais tias cov qauv no tsis muaj ib pab neeg twg yuav daws teeb meem tau nws tus kheej. Txog lub sij hawm sib koom tes lawm, tsis tas yuav los sib tw. Mylo Lululemon xyaw nrog Mylo Aris thiab kev saib xyuas lub cev ntaj ntsug. Tus kws txuag txhua yam nyob ib puag ncig xws li Paris Jackson nws yog tus ntxhais nkauj ntsuab rau Mylo nyob hauv fashion no. Adidas tawm Stan Smith tshiab yog hom zoo ntawm lawv. Mylo thiab Stella McCartney tawm cov hnab tawv nqa ntawm tes hu ua Frayme Mylo thiab qhib nyob Paris. Lub hnab tawv uas koj pom nqa ntawm tes nws yog ib feem ntawm tus qauv Stella.

Txhais tias nov tsis yog lub tswv yim nyob deb, tab sis yog txoj kev npau suav uas yuav rais los ua qhov tseeb rau yav tom ntej. Mylo tsis tuaj yeem ua tau nyiaj nyob hauv fab kev lag luam zim txwv no. Peb muag 1 square meter yog 30 dos las yuav luag ib yam li cov tawv nyuj uas zoo. Ces vam tias yav tom ntej ntawm fashion yuav tsim tawm ntau yam los ntawm cov ntaub xov no. Xav tias tsis pes tsawg xyoo tom ntej yuav muaj tej yam tshiab tshiab los hloov tej toob xib nyob hauv koj lub phij xab rau khaub ncaws, hauv tsev thiab hauv koj lub tsheb. Kuv xav tias kev nrog Mylo mus ua ke zaum no yuav yog tus piv txwv rau lwm tus xyaum txhim kho lub ntiaj teb no kom zoo tuaj sai rau peb sawv daws. Fashion yog lub sij hawm nyiaj kub uas yog tus coj hauv kev hloov lub neej nrog yam ntuj tsim tawm. Tsis yog qhov peb yuav tiv thaiv zim txwv no thiab yav tom ntej. Fashion tsis yog kev ua kom tus kheej zoo nkauj xwb, nws tseem ua kom lub ntiaj teb zoo nkauj thiab xis nyob rau txheej neeg tom ntej thiab.