Cov tsev tsis muaj neeg nyob muaj 9 plhom lub, yuav luag li ntawm 14 feem pua ntawm cov tsev uas nyob Zis Pees teb. Teeb meem yog los ntawm tsoom pej xeem lub hnub nyug. Tau txais kev kub ntxhov los ntawm cov neeg toj siab tshais chaw mus nyob hauv tuam ceeb Tokyo coob thiab cov neeg laus uas tuag coob los sis mus nyob hauv cov tsev laus. Ces tej vaj tsev tsis muaj neeg saib xyuas, cia ntev ntev ces nphob thiab piam sij thiab raug tub sab nyiag hlawv.
Cov neeg laus muaj coob zuj zus nyob hauv tsoom pej xeem Zis Pees thiab yog teeb meem ntawm tej vaj tse raug tso tseg tsis muaj neeg nyob, ces ua rau cov tsev khoom tsis muaj neeg nyob nyob Zis Pees teb ntau tuaj thiab tsis tau muaj los dua.
Raws kev soj ntsuam ntawm tseem hwv Zis Pees, pom tau tias muaj 9 plhom lub tsev los yog 14 feem pua ntawm cov tsev nyob Zis Pees teb yog tsis khoom tsis muaj neeg nyob. Txhais tias nyob hauv 7 lub tsev, mas muaj ib lub tsev tsis muaj neeg nyob. Tseem muaj 380,000 lub tsev uas neeg cia nyob raws tej lub caij thiab nyob ntu puav xwb. Cov tsev no feem ntau yog cov tsev tsis ruaj khov lawm, tej qhov rais thiab phab ntsa tuaj nroj cab hmab puv tag thiab tej ru tsev pib tuaj ntxhuab.
