Lub qhov khib nyiab Madampitiya nyob Koos Loos Npos, ua teeb meem kub ntxhov loj kawg rau txhua yam ib puag ncig thiab fab kev noj qab haus huv

Cov khib nyiab uas sib tsub sib nias siab li ntawm 15 mev, nyob ze vaj tse, tsev kawm ntawv, tsev muag zaub mov noj thiab kiab khw, yog qhov chaw pov khib nyiab uas tsis tuaj yeem ua kom txhob muaj khib nyiab nyob hauv lub tuam ceeb. 

Ntshai tsam yuav muaj teeb meem tshwm sim xws li av qeeg nyob Meethotamulla xyoo 2017, thiab ua rau neeg tuag 32 leeg. 

Teeb meem txhua yam nyob ib puag ncig tab tom ua qhov chaw sib cav sib ntawm cov tub txawg tub ntse nyob Xis Laas Kas teb, vim lub qhov khib nyiab Madampitiya, uas yog kev saib xyuas ntawm cov nom tswv nyob Kos Loos Npos (CMC), tab tom yog qhov txhawj xeeb heev. Vim nyob thaj tsam ntawv muaj cov khib nyiab sib tsub sib ntias siab li ntawm 15 mev. Ces CMC vam tias cov nom kav zej zog UDA yuav nrhiav dua qhov chaw tshiab los pov khib nyiab. Yog tsis li ntawd, cov khib nyiab nyob Madampitiya yuav muaj txhab ntxiv tas zog, ces qhov kawg yuav teeb meem rau kev noj qab haus huv, tej xyoob ntoo nroj tsuag thiab huab cua. 

Coob leej tseem nco tau cov xwm txheej toj pob los ntawm lub qhov khib nyiab Meethotamulla xyoo 2017. Ua rau neeg tuag 32 leeg thiab ploj lawm 8 leej. Muaj 1,765 leeg tau txais ntau yam kev kub ntxhov.