Cecilia Shin Hye-jeong txoj kev caij tsheb kauj vab ncig As Xias teb thiab nws cov lus pab txuag ib txhua yam nyob ib puag ncig. Cecilia Shin Hye-jeong tuaj ntawm Kos Lim Naj tuaj, nws muaj feem cuam txog fab kev txuag txhua yam nyob ib puag ncig los tau 10 tawm lub xyoo. Nws ua hauj lwm nrog Green Asia uas yog lub Koom Haum muab tus kheej los pab txuag txhua yam nyob ib puag ncig ntawm cov teb chaws thiab hais txog huab cua pauv ntxeev. 7 xyoo los lawm, uas nws ua tub koom tes hauv cov kav xwm saib xyuas kev ncaj ncees, kev thaj yeeb thiab kev txhim kho hauv cov Leej Phauj. Cecilia Shin Hye-jeong yog ib tug Kav Tos Liv, nws hnub nyoog muaj 38 xyoo. Nws hais tias nws txoj kev ua hauj lwm pab txuag txhua yam nyob ib puag ncig tseem ua tsis tau raws li Vaj Qhia cov lus hais nyob hauv Laudato Si, xyoo 2018.
Nws pib caij tsheb kauj vab ntawm lub xeev Jiangsu nyob Suav teb, nws hla As Xias toob fab naj, hla Is Ntias thiab hla As Xias nrab mus txog Is Taas Npus uas nyob Tws Kis teb. Nws caij tsheb kauj vab 12,500 km nyob As Xias toob fab naj, nws hla Nyab Laj teb, Thaib teb thiab Mias Mas teb. Tas lub caij nws caij tsheb kauj vab ncig teb chaws, nws hais tias nws tsis tau pov ib qho khib nyiab kom ua kev piam sij rau txhua yam nyob ib puag ncig. Nws nco ntsoov txog txhua yam muaj txoj sia, nco txog cov neeg nyob raws ciam teb. Tsiaj txhu thiab nroj tsuag nyob sib xyaws zoo yam li kwv tij. Tab sis tas txhua yam no poob nyob hauv cov Koom Haum nrhiav nyiaj txiag txhais tes.
