Npees Las Des teb xa kev pab mus rau Lis Npias teb, vim tau txais kev piam sij los ntawm lub khaub lig cua Cyclone Danie

Cov neeg raug dej nyab tuag nyob Lis Npias teb ze ntawm 20,000 leej thiab tseem yuav muaj txhab ntxiv. Nyob hauv cov neeg tuag, muaj 10 leej yog neeg Npees Las Des. Tseem hwv Npees Las Des lub dav hlau tau xa tshuaj, xa txhiam xws noj thiab tej yam cheem tsum siv mus rau As Fiv Kas Pej. Thiab tseem hwv Npees Las Des thov tus tiam lis Lis Npias kom tso lus rau lawv nrhiav cov neeg Npees Las Des uas raug dej nyab.

Tam sim no Lis Npias teb tab tom siv zog nrhiav cov neeg ploj mus lawm, thiab thaj tsam uas raug xwv txheej hauv lub teb chaws tsis muaj txhiam xws txaus noj, tsis muaj roj, tsis muaj dej haus, tsis muaj hluav taws xob siv thiab kev sib xa xov tu ncua.

Lis Npias teb yog lub teb chaws uas muaj cov pej xeem Npees Las Des nyob li ntawm 20 tawm txhiab leej, feem coob yog mus nrhiav hauj lwm ua nyob hauv cov teb chaws As Fiv Kas Pej, thiab lawv siv Lis Npias teb ua thawj qhov chaw hla lub hiav txwv Mes Dis Tes Las Nes mus rau Aws Los Pas teb. Xov xwm tshaj tias muaj 10 tus neeg Npees Las Des tuag los ntawm lub khaub lig cua Cyclon Daniel, thiab cov neeg tuag ntshe yuav muaj coob dua qhov tshaj tawm. Cov neeg tuag feem coob yog nyob hauv lub nroog Derna, vim Derna yog lub nroog uas raug kev piam sij loj tshaj.