Cov neeg Zis Pees 13 feem pua xwb, uas lawv muaj kev sov siab hauv lub neej. Cov neeg Is Ntias yog cov muaj kev sov siab tshaj plaws

Kev soj ntsuam txog kev sov siab (Global Happiness Index) nyob ntiaj teb xyoo 2025. Pom tias kev sov siab thiab kev txaus siab rau lub neej sib txawv heev nyob hauv cov teb chaws As Xias. Nyob Is Ntias teb 88 feem pua hais tias lawv muaj kev sov siab kawg. Nyob Zis Pees teb muaj 66 feem pua xwb, uas lawv muaj kev sov siab hauv lub neej nyob As Xias toob fab naj. Kev sov siab thiab lub tswv yim xav zoo txog yav tom ntej siab dua tej kev lag luam nyob As Xias sab hnub tuaj, teeb meem kev lag luam tseem yog qhov teeb meem ua rau neeg txom nyem nyob txhua qhov chaw.

Cov neeg Zis Pees 13 feem pua xwb, uas lawv txaus siab rau lawv lub neej thiab 15 feem pua xav tias lawv tuaj yeem yuav maj mam hloov lawv lub neej kom zoo tau. Tab sis nyob Is Ntias teb tsoom pej 74 feem pua hais tias lawv nyiam lawv lub neej. Hos 88 feem pua hais tias lawv muaj kev kaj siab thiab sov siab kawg. Nov yog kev soj ntsuam txog lub neej (Global Happiness Index) nyob ntiaj teb xyoo 2025.

Lub Koom Haum Ipsos uas nyob Fab Kis teb, pib soj ntsuam txij lub 12 hlis xyoo 2024 los txog lub 1 hlis xyoo 2025. Lawv tau tsoj ntsuam cov neeg laus hnub nyoog qis dua 75 xyoos hauv 24,000 leej hauv 30 lub teb chaws. Pom tias kev ua lub neej sib txawv heev nyob hauv cov teb chaws tab tom txhim kho nyob As Xias thiab cov teb chaws uas muaj kev txhim kho cov Koom Haum ntau tshaj. Qhov chaw uas ua rau neeg tsis muaj kev txaus siab, tej kev lag luam thiab kev quab yuam hauv zej zog. Hauv cov teb chaws As Xias toob fab naj uas koom nrog kev soj ntsuam, pom tias muaj kev kaj siab thiab kev sov siab ntau dua los yog siab dua.