Cov teb chaws muaj kev lag luam loj tshaj nyob As Xias teb, yog nyob tom qab ntawm CCPI Index qhov taw qhia, ua kom muaj kev txhawj xeeb txog fab huab cua

Feem ntau ntawm cov teb chaws muaj kev lag luam loj nyob As Xias, yog cov teb chaws nyob ua ntej saum toj ntawm CCPI Index. Kev pauv ntxeev huab cua hauv CCPI xyoo 2026 tshaj tias : ntau lub teb chaws nyob hauv xeev ntuj tus zauv tseem qis hais txog kev daws kho huab cua pauv ntxeev. CCPI tshaj tias : cov teb chaws no tau tus zauv qis kawg hais txog fab kev tso pa iav, hauv kev txhim kho lub zog tshiab, kev siv lub zog thiab txoj cai fab huab cua. Xov xwm tshaj tias ; kev tso pa iav nyob thoob ntiaj teb tseem muaj heev zuj zus. Tab txawm kev txhab ntxiv yuav nres zog txij thaum muaj kev sib cog lus nyob Paris, tsis kav zim txwv no rov muaj txhab ntxiv ntau dua qub. Tseem hwv Suav thov kom rhuav tshem teeb meem kev lag luam ntawm Technology tsos ntsuab, hauv lub caij coob leej neeg nyob As Xias txhawj xeeb txog tus se uas cov teb chaws sab hnub poob teeb tseg.

Hais txog tsheb hluav taws xob thiab lwm yam cuab yeej siv hluav taws xob. Cov neeg soj ntsuam hais tias ; kev txais lag luam yog nqe lus tseem ceeb hauv lub rooj sab laj, uas yav tom ntej yuav muaj kev sib cav muaj ceem. Vim txhua txhia lub teb chaws maj mam hloov fab huab cua kom haum rau txoj cai lag luam uas tab tom hloov mus.