As Mes Lis Kas tus kws lij choj nyob New York sab hnub tuaj tshaj tias : tus los pav ua nrog tus thawj pwm tsav Modi sib raug zoo, tau dag kev soj ntsuam txog nws cov hauj lwm thiab nws txoj kev dawb huv, kom tau kev nqis peev ua lag luam ntawm As Mes Lis Kas. Tus nqi nyiaj txiag ntawm tus los pav Is Ntias Gautam Adani's poob qiv heev nyob hauv cov kiab khw, tom qab nws raug liam tias nyiag noj nyiaj. Qhov kawg cov teeb meem no raug nthuav tawm nyob As Mes Lis Kas teb.
Sagar uas yog Adani’s tus xeeb ntxwv thiab 6 tus neeg raug liam tias : lawv muab 250 plhom dos las xiab cov tseem hwv Is Ntias, kom lawv tau ua ntaub ntawv cog lus ua phiaj ziab tshav ntuj uas yog ib tug los pav neeg As Mes Lis Kas ua tus nqis peev.
As Mes Lis Kas tus kws lij choj nyob New York sab hnub tuaj soj ntsuam txog cov teeb meem no los 2 xyoos hais tias : Adani’s cov neeg tau txais peev nyiaj txiag los ntawm tej ntaub ntawv yuam kev thiab lawv zais lawv tej kev phem nyob hauv tej ntaub ntawv cog lus. Cov tub ceev xwm muaj ob daim ntawv ntes Adani’s thiab nws tus xeeb ntxwv. Adani’s teb cov teeb meem no tias : “Peb yuav nrhiav hau kev nyob hauv txhua txoj cai, tsis hais txoj twg kuj xij.” Thiab Adani’s hais tias kev iab hiam no tsis muaj qab hau dab tsi.
