Than Htike Myint yog ib tug nyob hauv ntau pua tus tub xov xwm uas raug kaw nkuaj nyob Mias Mas teb, txij thaum cov tub rog txeeb kav teb chaws hauv xyoo 2021 los. Cov tub xov xwm nyob Mias Mas teb uas lawv tab tom sib tawg, taij thov kom tso tus tub xov xwm uas nws raug txiav txim kaw nkuaj 5 xyoos. Tom qab uas nws raug cov tub liam tias yog tsim kev kub ntxhov.
Nyob hauv kev sib tham, lub Koom Haum tub xov xwm Mias Mas uas yog ib lub Koom Haum twj lij, tau thov kom tseem hwv tso Than Htike Myint uas yog ib tug tub xov xwm zwm rau lub rooj ntawv xov xwm Myaelatt Athan. Tam sim no cov tub rog tab tom cheb ntxuav cov uas tsis pom zoo nrog cov tseem hwv heev kawg. Lawv lub hom phiaj yog cheb ntxuav kev hais lus, tshwj xeeb tshaj yog cov tub xov xwm twj lij. Cov tub xov xwm uas raug txim feem coob, lawv raug liam tias tsim kev kub ntxhov thiab txwm tsoom pej xeem. Cov neeg taij thov kev ncaj ncees xyav moo dav kawg tias yog kev ua txhaum cai.
