Nyab Laj teb tab tom ntsib kev pauv ntxeev hais txog pej xeem loj kawg, uas tsis tshuav muaj neeg hais txog yog qhov poob siab. Qhov ntawd yog muaj cov neeg laus coob tuaj sai heev. Raws kev soj ntsuam ntawm lub Leej Haum Kuj thiab ntiaj teb lub Koom Haum kev noj qab haus huv, mas Nyab Laj teb yog lub teb chaws uas muaj cov neeg laus coob tuaj sai kawg nyob hauv xeev ntuj As Xias.
Yam uas ua kom kev pauv ntxeev no yog qhov txhawj xeeb, yog yam tshwm sim ua ntej lub teb chaws yuav nplua nuj thiab ua ntej yuav muaj txoj cai saib xyuas cov neeg laus yam txaus nkaus. Nyob hauv tsis pes tsawg caum xyoo no, cov neeg laus uas muaj 60 xyoo nce mus tau txhab ntxiv sai kawg. Lub Koom Haum zej zog uas tau txhawb nqa cov neeg laus, xws li tsev neeg ntau tiam neeg, cov zej zog nyob deb nroog uas sib raug zoo thiab kev saib xyuas hauv tsev neeg. Tej yam no tab tom ntaug zuj zus hauv kev quab yuam los ntawm kev tshais chaw mus nrhiav hauj lwm ua, kev vam meej ntawm cov nroog thiab nqi noj haus kim tuaj. Hnub nyoog laus tsis yog qhov nyob deb peb ntxiv mus. Nws ua kom pom nyob hauv cov zej zog uas tsis muaj cov neeg muaj hnub nyoog ua hauj lwm, hauv tej tsev tsim toob xib uas cov xeeb leej xeeb ntxwv ua hauj lwm deb vaj tse, thiab cov neeg laus nyob twm zeej coob tuaj. Qhov no yuav vam txog kev pab ntawm zej zog me ntsis, thiab kev txhawb nqa ntawm zej zog uas tsis xwm yeem.
