Thov kom Thaib teb qhib kev rau cov neeg thoj nam Mias Mas thiab nrhiav hauj lwm ua
Lub Koom Haum Human Rights Watch (HRW), uas qhov chaw loj yog nyob New York tau thov kom cov tseem hwv Thaib qhib kev rau cov neeg Mias Mas thiab nrhiav hauj lwm ua. Tam sim no lub teb chaws tsis muaj txhiam xws noj thiab tsis muaj kev saib xyuas fab kev noj qab haus huv, yog vim tseem hwv As Mes Lis Kas txiav pob nyiaj pab lawm. HRW tshaj tawm hnub tim 11 lub 8 hli no tias : cov neeg thoj nam Mias Mas li ntawm 100 tawm txhiab leej tsis muaj txhiam xws txaus noj thiab tsis muaj kev kho mob. Vim tseem hwv As Mes Lis Kas tau txiav kev pab lawm, ua rau lawv poob nyob hauv txoj kev txhawj xeeb loj heev.
Shayna Bauchner tus tshawb fawb nyob As Xias ntawm HRW hais tias : kev txiav nyiaj pab ntawm As Mes Lis Kas, txhib kom cov tseem hwv Thaib hloov txoj cai hais txog cov neeg thoj nam nyob raws ciam teb. HRW hais tias : lub pwm tsav saib xyuas kev ruaj ntseg nyob Thaib teb, tau thov kom daws kho teeb meem hais txog kev pab cov yeej thoj nam. Tab sis cov tseem hwv Thaib tseem tsis tau teb dab tsi li. Raws kev tshaj tawm ntawm HRW cov nyiaj pab hauv txhua hli tsuas tshuav 77 nyiaj npaj Thaib los yog 2 dos las tawm xwb, hais txog kev yug ib tug neeg laus. Yog txij li thaum As Mes Lis Kas txiav cov nyiaj pab thawj zaug nyob hauv lub hauv xyoo 2025.
