Lub Leej Haum Kuj nthuav txog kev ntxias dag nyob As Xias hauv Cyber ntau txhiab plhom US dos las, tab tom ri mus thoob ntiaj teb. Lawv lub hom phiaj yog cov neeg tshiab thiab kev hloov nyiaj tshiab.
Lub Leej Haum Kuj tshaj tawm hnub tim 21 lub 4 hlis tag los no tias : lub network ntxias dag hauv Cyber nyob As Xias uas muaj nyiaj ntau txhiab plhom dos las, tab tom ri mus thoob ntiaj teb. Cov neeg Suav thiab cov neeg As Xias toob fab naj tab tom ntxias tau nyiaj ntau txhiab plhom dos las nyob hauv ib xyoos. Lawv ntxias dag kom neeg nqis peev, siv nyiaj Digital, kev nyiam kev hlub thiab lwm yam kev ntxias dag. Muaj neeg coob kawg poob nyob hauv kev muag neeg thiab raug quab yuam ua hauj lwm hauv tej chaw phem. Cov hauj lwm no feem ntau yog ua nyob ntawm tej ciam teb uas tsis muaj txoj cai kav, xws li Mias Mas teb thiab ntawm cov thaj tsam muaj kev lag luam. Qhov loj yog nyob Los Tsuas teb thiab Khas Phus Chas.
Lub Leej Haum Kuj tsab ntawv ceeb toom hais txog tshuaj nees thiab kev tua neeg (UNODC) tshaj tias : cov hauj lwm network no tab tom ri mus rau As Mes Lis Kas naj, Africa, As Xias nrab, Aws Los Pas thiab txhua lub pov txwv nyob Pacific.
