Tswv Qhia Re ua thaj txi Ntuj Requiem : hwm Vaj Qhia Fas Ntshis Kus ua tus tswv yug yaj ntawm tsoom neeg ntseeg.
Tswv Qhia Re ua thaj txi Ntuj Requiem : hwm Vaj Qhia Fas Ntshis Kus ua tus tswv yug yaj ntawm tsoom neeg ntseeg.
Hauv cov lus nthuav ntawv Moo Zoo hauv lub thaj txi Ntuj Requiem rau Vaj Qhia, cov Tswv Qhia Liab tau piav txog cov xwm tseem ceeb hauv 12 xyoos uas Vaj Qhia muab siab ua hauj lwm. Yog qhov Vaj Qhia nyob ze tsoom pej xeem thiab cov neeg ntseeg. Tshwj xeeb tshaj yog cov tsis muaj lub zoo caij nyob hauv peb thiab Vaj Qhia txoj kev hlub uas muaj rau lub Koom Txoos uas sawv daws pom.
Hnub Xya thaum sawv ntxov, muaj 250,000 tus neeg tuaj ntawm qhov txhia chaw tuaj rau hauv lub vaj loog hwm Leej Ntshiab Pob Zeb thiab ib cheeb tsam ze ntawd. Kom tau hais lo lus sib ncaim nrog Vaj Qhia ua zaum kawg nyob hauv lub thaj txi Ntuj requiem. Muaj tshaj 150,000 tus neeg sawv ntawm tej ntug kev hauv Los Mas lub sij hawm nquam Vaj Qhia tus qauv mus rau lub tsev teev Ntuj Leej Ntshiab Mab Liab Major. Cov kab ke Ntshiab thiab txaus siab no muaj Tswv Qhia Giovanni Battista Re ua tus coj lub Txoos koom nrog cov Tswv Qhia, cov Txiv Plig, cov Leej Phauj thiab cov Leej Tij li ntawm 250 leej. Nyob hauv cov lus nthuav ntawv Moo Zoo hauv lub thaj txi Ntuj, Tswv Qhia tau hais txog ntau yam nyob hauv 12 xyoos uas Vaj Qhia ua hauj lwm. Ntsia pom txog qhov nws nyob ze ib tsoom neeg thiab ua ncaj ncees raws yam ntuj tsim mus txog qhov kawg. Qhov tseem ceeb tshaj yog kev nyiam kev hlub uas Vaj Qhia muaj rau lub Koom Txoos, vim nws xav qhib kev dav rau sawv daws.
