Vaj Qhia tsab ntawv hauv hnub thov Ntuj rau ntiaj teb lub suab hu, yog hais txog kev ua kwv ua tij thiab kev cia siab
Hnub thov Ntuj rau ntiaj teb lub suab hu zaum tim 61 ntawm Vaj Qhia, yog hais txog kev tsim koob hmoov ntawm cov neeg ntseeg tias : yog kev mus kev ntawm cov Txiv Plig uas lawv muaj kev cia siab thiab muab siab rau txog kev nrhiav kom pom Tswv Ntuj txoj kev nyiam kev hlub.
Lub ntsiab lus ntawm hnub thov Ntuj rau ntiaj teb lub suab hu xyoo no yog : “Hu kom tseb kev cia siab cov noob thiab tsim kev thaj yeeb.” Qhia txog lub suab hu ntawm cov neeg ntseeg kom muab peb txoj sia mus tso saum daim txiag zeb uas yog Yes Xus txoj kev tuag thiab sawv rov los. Maj mam ua txhua yam uas tau ua nyob hauv lub suab hu, yog kev maj mam ua lub neej txhob nkim pov tseg.
Vaj Qhia hais tias : xyoo no lub Koom Txoos tsuj xeeb hnub thov Ntuj rau ntiaj teb lub suab hu nyob rau hnub tim 21 lub 4 hlis.
Vaj qhia hais tias kev rov xav txog tus kheej, yog tus yam ntxwv hauv kev sab laj. Vim lub Koom Txoos muaj lub suab hu ntxim siab thiab muaj ntau lub suab hu. Lub suab hu nyob hauv peb yog sib mloog sib qhia thiab mus ua ke, kom tau paub txog thiab txawj pom tias Leej Ntuj Plig Ntshiab tab tom coj peb mus rau qhov twg, kom muaj txiaj ntsim qab hau rau sawv daws.
Vaj Qhia hais tias cov lus no yog taw mus rau lub ntsiab hauv lub xyoo tsuj xeeb 2025, “Tus tsim koob hmoov ntawm kev cia siab.” Hais txog kev tsim koob hmoov ntawm Vaj Qhia, yog kev mus kev nyob hauv kev sib txhawb nqa. Vim tib neeg ris tej yam cheem tsum nyob hauv kev maj mam ua los rhuav tshem kev qaug zog, kev ntshai, kev tsis ruaj khov thiab kev ua xyem xyav. Tas txhua yam no yog ua kom nrhiav pom Tswv Ntuj txoj kev nyiam kev hlub.
