Cov neeg ntseeg nyob Suav teb, sib faib kev sov siab hauv lub caij hawm lub hli hauv cov hauj lwm ua pub dawb
Hauv lub caij uas cov neeg Suav ua hmoov hawm lub hli thiab lub teb chaws hnub. Cov neeg ntseeg Kav Tos Liv nyob hauv lub Cheeb Koom Txoos Hanzhong, tau hloov kev tsuj xeeb los ua kev khuv leej thiab kev ua hauj lwm pub dawb, uas yog hnub tim 24-28 lub 9 hlis tag los. Cov Txiv Plig thiab cov tub ua hauj lwm hauv lub Cheeb Koom Txoos, uas muaj Txiv Plig Zan Suike, Txiv Plig Sun Chongyu thiab lwm tus Txiv Plig koom nrog. Lawv tau npaj cov hauj lwm mus tsham xyuas hauv lub npe “kev sov siab hauv lub caij hawm lub hli thiab lub teb chaws hnub.” Lawv cov hauj lwm yog coj kev sov siab thiab kev kaj siab mus rau cov neeg zej zog uas raug hnov qab.
Cov Txiv Plig tau mus saib ob lub tsev kho mob, kom tau faib koob hmoov thiab xa kev phooj ywg rau cov neeg mob. Lawv sib koom ua hmoov hawm lub hli, uas yog faib ncuav qab zib thiab tej yam paj tshab me me. Lawv ua tej yam qab zib noj ua ke thiab txiav plaub hau rau tej tus neeg. Lawv lub ntsej muag luag ntxhi mos nyoos, tau hloov lub sij hawm ua Tswv Ntuj kev khuv leej. Lawv tej kev ua nyob hauv kev khuv leej, ua kom cov neeg mob tau chwv txog kev sov siab thiab zoo li lawv tau lub meej mom rov qab los.
