Cov nom Pas Kis Taas hais tias : “Kev tuam choj txuas nrog kev sib raug zoo, yog thawj yam hauj lwm ntawm peb.”
Thaum cov Tswv Qhia As Xias los yog FABC, tab tom npaj rau lub rooj sab laj loj zaum tim 12 nyob Jakarta. RVA tau nrog Tswv Qhia Samson sib tham hais txog nws txoj kev cia siab hauv lub rooj sab laj. Qhov tseem ceeb hauv kev sib tham ntawm cov kev teev hawm, tej kev paub dhau los thiab kev muaj feem cuam ntawm lub Koom Txoos nyob Pas Kis Taas uas muaj nrog lub Koom Txoos As Xias ua ke.
Nov yog cov lus hauv kev sib tham :
RVA : Tswv Qhia, thawj yam kev cia siab ntawm koj hais txog FABC lub rooj sab laj loj uas tab tom yuav pib nyob Jakarta yog dab tsi ?
Tswv Qhia Samson : Thawj yam kev cia siab ntawm kuv, yog lub rooj sab laj no yog lub sij hawm tseem ceeb hauv kev sib koom tes nyob ntiaj teb, thiab yog kev sib mloog.
Hais txog cov neeg ntseeg uas yog haiv neeg tsawg zoo li peb nyob Pas Kis Taas teb, mas FABC yog lub sam thiaj tseem ceeb hauv kev sib txuas nrog lwm cov Koom Haum Kav Tos Liv nyob As Xias. Kuv vam tias nws yuav tsim kev sib raug zoo hauv lub rooj sab laj nrog lwm xeev ntuj. Ua kom peb tuaj yeem sib faib tej kev txhawj xeeb hais txog tshaj lub Moo Zoo thiab txuas hnub nyoog hauv cov lus cog ua ke ntawm peb hauv kev tshaj lub Moo Zoo rau cov zej zog, uas kev tseev tsim kub ntxhov zuj zus nyob As Xias. RVA : Koj puas xav tias lub rooj sab laj yuav hais txog yam tseem ceeb twg nyob hauv lub rooj sab laj ? Tswv Qhia Samson : Kuv vam tias lub rooj sab laj yuav hais txog kev txhawj xeeb qhov tsis lees txog cov kev teev hawm sib txawv, kev txuag cov haiv neeg tsawg uas raug cais thiab kev txhawb nqa cov tub ntxhais hluas nyob thoob As Xias. Dhau no lawm, kev lag luam poob qab ntawm peb cov pej xeem thiab teeb meem huab cua pauv ntxeev. Yog qhov ua kev kub ntxhov rau txhua lub teb chaws, xws li Pas Kis Taas teb yog lub teb chaws uas yuav tsum daws kho kom sai.
Peb yuav raug kev kub ntxhov sai thiab Digital tej kev pauv ntxeev, raws li Vaj Qhia Leo 14 tau hais nyob hauv nws tsab ntawv Magnifica Humanitas. Kev tshwm sim ntawm neeg lub tswv yim tsim tawm AI, yog qhov txhawj xeeb rau neeg lub neej thiab hloov kev lag luam ntawm cov neeg pluag txom nyem. Yog tsis muaj kev ncaj ncees hauv kev saib xyuas. Lub rooj sab laj yuav xav tias lub Koom Txoos puas tuaj yeem txuag neeg lub meej mom tau li cas ? Kev tsis sib luag nyob hauv tej zej zog thiab tej kev pauv ntxeev ntawm Technology txheej tshiab no. Muab kev cia siab tseeb tiag rau cov yim neeg uas raug xwv txheej thiab pluag txom nyem.
RVA : Lub Koom Txoos nyob Pas Kis Taas muaj feem cuam txog dab tsi nyob hauv lub Koom Txoos As Xias ? Tswv Qhia Samson : Lub Koom Txoos nyob Pas Kis Taas teb muab cov lus ntawm kev ua siab ntev thiab kev txawj ntse hauv kev qhia uas peb hu ua ‘kev sib tham hauv lub neej’, tab txawm peb yog haiv neeg tsawg, tsis kav peb txoj kev ntseeg ruaj khov, peb tej kev ua hauj lwm fab kev kawm ntawv, kev kho mob rau tsoom pej xeem thiab kev muaj feem cuam nrog cov Mawv Xis Lim, ua kom pom tias cov neeg ntseeg uas yog haiv neeg tsawg yog lub zog ntawm kev thaj yeeb tau li cas. Peb yuav qhia txog qhov pov thawj hauv kev ntseeg thiab tus piv txwv ntawm kev nyob ua ke nrog lwm cov kev teev hawm, hauv tus yam ntxwv uas txhawj xeeb pub rau lub Koom Txoos As Xias.
RVA : Kev sab laj zaum no yuav hais tshwj xeeb txog ‘kev pauv ntxeev hauv lub pwm tsav’ thiab ‘kev tuam choj txuag nrog kev sib raug zoo.’ Hauv lub ntsiab lus no yog qhia txog qhov tseeb ntawm lub Koom Txoos nyob Pas Kis Taas tau li cas ?
Tswv Qhia Samson : Nyob Pas Kis Taas teb, mas lub ntsiab lus no tsis yog qhov lam xav, tab sis yog qhov tsim nyog rau cov neeg ntseeg nyob hauv niaj hnub. Kev pauv ntxeev ntawm lub pwm tsav, yog hais txog cov Txiv Plig thiab peb cov neeg ntseeg mus ua ke kom tau txhawb nqa cov yim neeg ntsib teeb meem hauv kev lag luam, thiab cov pluag txom nyem hauv zej zog. Tshwj xeeb tshaj yog cov nyob pem tej toj siab xws li Sind. Kev tuam choj txuas nrog kev sib raug zoo yog thawj tus qauv ua hauj lwm ntawm peb. Peb tuam choj txuas nrog kev sib raug zoo txhua hnub nyob hauv cov tuam tsev thiab peb cov Koom Haum kev ncaj ncees. Tiv lwm tus tej kev xav tsis zoo uas yog nrog luag tej sib ntsib hauv peb txoj kev ua neeg.
RVA : Hais txog yav tom ntej, koj puas xav tias lub rooj sab laj no qhov tau los yog zoo li cas rau lub Koom Txoos nyob As Xias ? Tswv Qhia Samson : Kuv vam tias lub rooj sab laj zaum no yuav ua tiav hais txog kev saib xyuas cov neeg ntseeg ua ib tug thiab coj mus ua tau tiag nyob As Xias. Tshwj xeeb tshaj kuv vam tias yuav tau pom cov Koom Haum txhawb nqa kev laj sab ntxiv mus. Hauv cov xeev ntuj kom tau txhim kho cov tub ntxhais hluas thiab cov thawj coj tau txais kev txhim kho. Thiab lub suab nrov meej tseeb ntawm cov neeg ntseeg nyob As Xias uas txhawb nqa tib neeg kev ncaj ncees thiab kev thaj yeeb hauv cov kev teev hawm nyob ntiaj teb.
