Dej nyab nyob Mias Mas teb, ua rau tsoom pej xeem ntau txhiab leej yuav tsum khiav tawm, hauv lub caij kev sib ntaus sib tua ntawm cov tub rog tseem muaj.

Ntuj los nag ntau hnub thiab dej tau nyab sai kawg, ua rau tsoom pej xeem ntau txhiab leej nyob thoob Mias Mas teb yuav tsum khiav tawm hauv lawv tej vaj tse mus. Ua teeb meem phemkawg rau tib neeg kev ncaj ncees. Tsis tas ntawd kev sib tua saum nruab ntug ntawm
cov tub rog kuj tseem muaj tas zog hauv cov thaj tsam tsis sib haum xeeb.
Dej tau nyab tsoom pej xeem hauv lub xeev thiab cov xeev nyob ib ncig, xws li Mon,
Kayin, Bago, Sagaing thiab Rakhine. Ua rau tsoom pej xeem yuav tsum khiav tawm
hauv lawv tej vaj tse mus. Kev lag luam ntawm Is Ntias teb tuaj raug nres tas. Tshwj
xeeb tshaj yog hauv lub xeev Rakhine muaj tshaj 100 lub zos raug dej nyab. Xav tias
tsoom pej xeem raug kev kub ntxhov ze ntawm 100 txhiab leej. Lub pwm tsav kev noj
qab haus huv ntshai tsam tus kab mob npaws tsob ntshav thiab lwm yam kab mob
tshwm sim los ntawm cov yoov tshaj cum. Hauv kev xa kev pab cuam nws ntxhov quav
niab, vim kev tsis sib haum xeeb hauv lub teb chaws tseem muaj ntxiv tas zog nyob
Mias Mas teb. Ntawv xov xwm tshaj tawm tias : hnub tim 10 lub 7 hli dhau los no,
tseem hwv cov tub rog tau siv dav hlau tua lub xeev Rakhine, ces ua rau neeg tuag 3
leeg thiab ib tug me nyuam muaj 3 xyoos. Cov neeg tsiv teb tsaws chaw xav tau txhiam
xws noj, xav tau tshuaj thiab xav tau chaw nyob chaw pw kom sai.
Cov neeg uas lawv tab tom pab tsoom pej xeem nyob hauv thaj tsam ntawd hais tias :
tseem muaj tej lus thuam thiab kev ntxub ntxaug saib tsis taus cov neeg Rakhine nyob
hauv Social Media heev kawg, ces ua rau kev chim siab ntawm cov haiv neeg haj yam
txhab ntxiv. Hauv lub caij uas Mias Mas teb tab tom raug teeb meem ntuj tsim thiab
muaj kev sib ntaus sib tua tsis tu ncua.