Duab ntxias dag rais ua kiab khw hauv Digital.
Tus qauv nplua nuj sai nyob Nyab Laj teb tsim nyog yuav tau txais kev saib xyuas, kom txhob muaj kev kub ntxhov rau cov neeg xav khiav kom dim kev pluag.
Nyob hauv ob peb xyoos dhau los no, Nyab Laj muaj ib tug qauv hu ua nplua nuj sai uas txhab tuaj sai kawg. Yog tus qauv hais txog kev nplua nuj ua ntej 30 xyoo. Ua rau tau nyiaj zoo kawg tab txawm yog tias pw xwb, yog kev nplua nuj los ntawm kev muag vaj tse, kev muag toob xib los yog ua lag luam nyiaj Digital.
Tus qauv no ua rau tib neeg nyiam coob kawg nyob hauv Tiktok, Facebook thiab Youtube. Ua kom pom txog kev pauv ntxeev kev muag khoom nyob hauv digital. Tus qauv no tsis yog kev kawm, nws yog kev ua lag luam uas tsim los ntawm kev ntshai thiab kev xav tau hauv cov zej zog uas tab tom nyob hauv ntu kev lag luam pauv ntxeev. Qhov meej tseeb ntawm yam no, yog kev vam meej ntawm cov Koom Haum paub txog lub tswv yim thiab kev qhuab qhia fab kev nplua nuj.
Ib lub Koom Haum nyob Hanoi tshaj tias ; kev nyiaj txiag loj hlob yuav luag 10 npaug nyob hauv tib txoj hauj lwm li no. Kev ua luam muag vaj tse 4 hnub xwb tau 6,000 dos las, ntau ib yam li ib nrab xyoo ntawm cov tub zog Nyab Laj cov nyiaj hli.
Kev vam meej no yog los ntawm tsoom pej xeem thiab kev lag luam uas tab tom pauv ntxeev Nyab Laj teb. Cov tub ntxhais hluas ntsib teeb meem kev nrhiav nyiaj thiab kev siv nyiaj loj kawg. Tshwj xeeb tshaj yog nqi ntiav tsev siab dua nqi zog.
Muaj ib tus neeg uas nws yog cov neeg muag khoom nyob Online, nws muaj 35 xyoos thiab nws nyob hauv lub nroog Hom Cis Mees. Nws them 1,000 dos las los yuav sob kawm ntawm cov neeg tsis muaj suab nto npe nyob hauv Live Stream los yog kev tshaj tawm. Nws hais tias thaum chiv thawj nws lub khw loj hlob qeeb kawg, thiab nws xav tias yog vim nws tsis muaj kev paub txaus. Nws hais tias ; kuv ua siab ntev thiab maj mam ua ntxiv, kuv ntseeg tias teeb meem yog nyob ntawm kuv txoj kev muab siab rau, tsis yog nws lub tswv yim. Tab sis thaum nws raug ntes vim muag khoom cuav, mas kuv cov lag luam piam sij tas. Kuv tsis yog poob peev xwb, kuv tseem poob kev ntseeg siab thiab.
