FABC so lub rooj sab laj kom tau teev Ntuj. Tswv Qhia Tagle hais tias Yes Xus yog tus tuam choj tseeb tiag.

Tswv Qhia Tagle hais tias : “Yes Xus yog tus choj tseeb tiag ntawm Tswv Ntuj thiab
neeg. Thiab lub Koom Txoos yuav ua tus tuam choj tau, yog thaum xub ntsib Yes Xus.”
Nws hais txog Yas Kos tus ntaiv. Nws hais tias ; Yes Xus yog tus sau lub ntuj thiab neeg
los ua ke. Neeg thiab txhua tsav txhua yam thiaj nyob sib xyaws. Ua kom pom txog kev
nyob ze Tswv Ntuj hauv Yes Xus txoj kev nqes los ua neeg. Tswv Qhia tseem hais txog
tus cuj pwm muab hlob hauv kev tshaj lub Moo Zoo. Nws hais tias kev nyiam kev hlub
uas muab tus kheej los txi ntawm Yes Xus, nqua hu kom cov thawj coj lub Koom Txoos
ua tub txib hauv kev ua neeg me ntau dua kev muab hlob. Nws txawv ntu ua ntej uas
hais txog kev ceeb toom thiab kev sib tham. Hnub no nws taw mus rau kev teev Ntuj
ntsiag to, kev tswj lub siab thiab kev sib tham hauv fab ntsuj plig. Yog kev tuav xam
thiab nco txog uas yog lub plawv tseem ceeb ntawm Synodality mus kev hauv lub Koom

Txoos. Tswv Qhia Tagle thov kom cov tuaj sib koom sab laj siv cov duab hauv Ntawv
Ntshiab los thov Ntuj, xws li tus choj, tus thaiv thiab kev mus kev ua ke. Yog txoj kev
mus txog kev rov nco txog tob dua.
Hauv nws cov lus xaus, nws txhib kom cov sawv cev xub ntsib Yes Xus ua ntej yuav
muab siab rau tuam choj tus kheej. Uas yog hais txog kev hloov siab tseeb tiag ntawm
Synodal hauv kev mloog Leej Ntuj Plig Ntshiab thiab cog kev phooj ywg nrog Yes Xus,
tus tuam choj ntawm ntiaj teb thiab lub ntuj.