Xov Xwm Hnub Tim 8 lub 5 hlis 2026
Ho Chi Minh ua cov kab ke pam tuag rau Tswv Qhia Liab Phạm Minh Mẫn.
Tus Tswv Qhia uas yog tus thawj coj lub Koom Txoos Saigon txij xyoo 1998 txog xyoo 2014, tau tag sim neej rau hnub tim 5 lub 4 hlis no lawm. Nws tuag thaum nws muaj 93 xyoos. Lawv tau pib ua nws lub ntees lawm.
Tswv Qhia Peter Van Kham tus yuav hloov nws chaw hais tias :
“Tswv Qhia ib txwm tso siab rau Tswv Ntuj tas mus li, thiab nws txawj ua kom sawv daws muaj feem cuam tshaj Tswv Ntuj txoj kev nyiam kev hlub dav kawg.”
Lub ntees pam tuag no yog ua nyob hauv lub tuam tsev teev Ntuj. Muaj Tswv Qhia Giusppe Nguyễn Năng ua tus coj lub Txoos. Tswv Qhia Phạm Minh Mẫn yog neeg Can Tho thiab nws ua Txiv Plig txij xyoo 1965 los lawm. Nws tau ua Tswv Qhia nyob My Tho ntau xyoo. Ua ntej Vaj Qhia Zam Paj Lug Ob yuav tsa nws ua tus Tswv Qhia saib lub Koom Txoos Saigon xyoo 1998. Tswv Qhia Liab Phạm Minh Mẫn yog tus neeg tseem ceeb ntawm txheej neeg tshiab hauv lub Koom Txoos xyoo 2000. Nws raug tsa ua Tswv Qhia Liab los ntawm Vaj Qhia Wojtyla xyoo 2003, thiab ua tus coj lub Koom Txoos no nyob Nyab Laj qab teb.
