Hoob pob tawg nyob hauv cov Hes Laas Orthodox ib lub tsev teev Ntuj nyob Xis Lias, cov tseem hwv kiam tias yog cov I.S

Muaj neeg chua hoob pob tua tus kheej nyob hauv cov Hes Laas Orthodox ib lub tsev teev Ntuj nyob Das Mas Kas, Hnub Chiv dhau los no. Ua rau muaj neeg tuag 30 leej thiab raug mob 90 leej nyob hauv lub thaj txi Ntuj yav tsaus ntuj. 

Kev ncua hoob pob tua neeg no, lub hom phiaj yog lub tsev teev Ntuj hwm Leej Ntshiab Elias nyob Douweila. Yog lub tsev teev Ntuj loj uas txhim nyob hauv xyoo 1990, lawv siv ua tsev kawm ntawv thiab cov neeg nrhiav qhov tseeb qhov chaw pw.

Cov lus no yog tshaj tawm raws li xov xwm Fides News ntawm Vas Tis Kas. 

Cov neeg phem pib xuas phom tua nyob sab nraud ua ntej 2 tus neeg chua hoob pob tua tus kheej, chaw mus ntawm lub qhov rooj nyob nrab qab thiab mus chua hoob pob nyob ze lub thaj txi Ntuj. Tus Tswv Qhia Hes Laas Orthodox nyob As Nthias Kias, uas yog Tswv Qhia Zam tim 10, tau tu siab txog cov teeb meem tua neeg no kawg. Vim nws tshwm sim nyob hauv hnub lub Koom Txoos nco txog cov Leej Ntshiab nyob As Nthias Kias. Tswv Qhia hais tias cov neeg tuag yog pov thawj, thiab thov kom cov tseem hwv Xis Lias pab txuag pov hwm cov thaj tsam ua cov kab ke thiab txuag tsoom pej xeem txhua tus.