Ib tug tub hluas neeg ntseeg tuag los ntawm kev tua neeg uas muaj nyob thoob Npees Las Des teb
Piyas Majumder uas nws muaj 22 xyoos, nws raug tua nruab hnub nrig hauv lub caij tub sab tuaj lwg Kotalipara, nyob Gopalganj. Kev ntxhov siab muaj txhab ntxiv tom qab neeg raug tua tuag yam txaus ntshai. Ua rau muaj kev sib tawm tsam nyob hauv cov haiv neeg tsawg uas lawv xav kom muaj kev siv txoj cai nruj nruj. Nyob hauv thawj 7 lub hlis uas cov tseem hwv sawv cev kav teb chaws, kev kub ntxhov hauv kev tuag neeg twb muaj 119 zaug lawm. Hais txog kev xaiv tsa ntawm yawg Abdul Wahab Minar hauv lub 12 hlis, yuav mus tsis tau yog tias tsis muaj kev pauv ntxeev.
Tub sab tuaj lwg nruab hnub nrig nyob Kotalipara, hauv thaj tsam Gopalganj. Ua rau ib tug tub hluas neeg ntseeg raug tua tuag, ces ua kev ntxhov siab heev kawg rau cov haiv neeg tsawg hauv lub teb chaws thiab lawv tsis muaj kev tso siab. Cov teeb meem no tshwm sim hauv lub zos Lakirpara. Tus tub hluas neeg ntseeg raug zawm caj pas thiab muab nws pav rau lub txaj pw, ces cov tub sab tshawb vaj tsev.
Paul Majumder Khokon hais tias : “Cov tub sab nkag mus hauv nws tsev, thaum nws thiab nws poj niam tab tom tawm mus hauj lwm lawm. Thaum nws rov los txog tsev, nws pom tias nws tus tub tes taw tsis muaj zog thiab tuag ib tsig lawm.
