Kab ke nquam Yes Xus Nas Xas Les nyob Fis Lis Pees teb xaus, tom qab ntev tshaj 30 teev. Suav tau tias yog cov kab ke nquam ntev tshaj plaws nyob hauv cov liv xwm
Kev nquam nruab xyoos Traslacion uas yog pab neeg nquam tus mlom Yes Xus Nas Xas Les (Nuestro Padre Jesus Nazareno) tau xaus hnub xya thaum sawv ntxov, tom qab nquam ntev tshaj 30 teev. Yog kev nquam tus mlom Yes Xus ntev tshaj plaws nyob hauv cov liv xwm uas yog cov kab ke Kav Tos Liv tseem ceeb tshaj nyob Fis Lis Pees teb. Muaj cov neeg ntseeg tuaj koom ua kev tsuj xeeb nyob thoob Fis Lis Pees lub tuam ceeb li 9 plhom tawm leej. Vim cov kab ke nquam siv sij hawm ntau dua 24 teev.
Txiv Plig Ramon Jade Licuanan uas nws yog tus saib lub tsev teev Ntuj Quiapo thiab cov Txiv Plig nyob hauv cheeb tsam, tau thov kom cov neeg ntseeg sib koom thov Ntuj pub kev nyab xeeb thiab kev tswj tus kheej. Yog hais txog kev sab ntawm cov kws kho mob thiab cov neeg ua hauj lwm.
