Kav Tos Liv ib lub tsev kawm ntawv qub qub nyob hauv lub nroog Dhaka raug kaw tseg, tom qab muaj neeg phem tsim kev kub ntxhov.
Kav Tos Liv ib lub tsev kawm ntawv qub qub nyob hauv lub nroog Dhaka raug kaw tseg, tom qab muaj neeg phem tsim kev kub ntxhov.
Lub tsev kawm ntawv txheej nrab thiab lub tsev kawm ntawv txheej siab Leej Ntshiab Nqes Nkos Lis, uas yog 2 lub tsev kawm ntawv Kav Tos Liv qub qub nyob hauv lub nroog Dhaka raug kaw tseg, tsis paub tias yuav rov qhib thaum twg. Tom qab cov neeg phem mus tsim kev kub ntxhov ua kev piam sij ntau kawg hauv tsev kawm ntawv thiab tus neeg saib xyuas kev ruaj ntseg kuj raug mob.
Kev tsim kev kub ntxhov zaum no yog qhov heev tshaj plaws zaum kawg nkaus uas tshwm sim nyob hauv Npees Las Des lub tuam ceeb. Ua rau cov Mawv Xis Lim coob kawg txhawj xeeb txog lawv kev nyob ntawm cov haiv neeg tsawg. Yog tshaj tawm raws li Asia News. Dhau no lawm Chinmoy Krishna Das tus thawj coj His Ntus thiab cov tim xyoob ntawm Internetional Society for Krishna Conciousness (ISKCON) raug ntes nyob hauv tshav dav hlau, nws lub txim yog txw neeg kom ntxeev siab. Ua rau kev chim siab haj yam txhab ntxiv tuaj.
Lub tsev kawm ntawv Kav Tos Liv qub qub no, yog txhim tsa nyob hauv xyoo 1882. Raug neeg nyiag tua hnub tim 24 lub 11 hlis los ntawm 500 tus neeg phem uas tsis paub npe. Cov neeg phem tau txeem hla cov neeg saib kev ruaj ntseg mus, ua rau 2 tug neeg saib xyuas kev ruaj ntseg raug mob thiab raug xa mus rau tsev kho mob. Thaum cov neeg phem nkag mus hauv lawm, lawv tau tsoo chav tsev kawm ntawv, tsoo tej tsom iav, tshawb tej ntaub ntawv ua lwj ua liam thiab tsoo lub tshuab thaum duab piam tas. Kev piam sij zaum no ua kev puas tsuaj loj kawg nkaus nyob hauv tsev kawm ntawv.
