Kev nqua hu ntawm cov kev teev hawm, yog cheem kev tua cov neeg ntseeg nyob hauv lub nroog Mumbai, nyob Is Ntias teb.

Pab neeg sawv cev ntawm txhua txoj kev teev hawm nyob hauv cov neeg ntseeg, cov Mawv Xis Lim, cov His Ntus thiab cov Jain. Hnub tim 2 lub 7 hli no lawv tau cev ntawv rau tus thawj coj tub ceev xwm nyob hauv lub nroog Mumbai thiab rau tus lwm tswj tub ceev xwm. Thov kom pab txuag kev thaj yeeb hauv cov neeg ntseeg kom ntau dua qub. Cov sawv cev hais tias : muaj kev txwv cov neeg ntseeg kev teev Ntuj 8 zaug nyob hauv lub 6 hli tas los. Txiv Plig Frazer Mascarenhas uas nws yog ib tug Yes Xus Is hais tias : kev txwv tsis pub cov neeg ntseeg teev Ntuj pib muaj txij tsaib no los lawm. Txawm tias yuav muaj kev taij thov cov tub ceev xwm ntau zaus kuj xij. Dolphy D'Souza tus tshaj lus nyob Bombay Catholic Sabha hais tias :

“Yog kev tso hem thawj thiab tab meeg ua phem.”

Nws hais txog kev txwv tsis pub cov neeg ntseeg teev Ntuj hnub tim 5 lub 7 hli no, uas raug liam tias yog kev tso hem thawj ntawm cov His Ntus. Qhov laij thawj yog qhov yuam kom hloov kev ntseeg thiab kev tso dab. Cov thawj coj thiaj txhawj xeeb txog qhov tias cov tub ceev xwm ua hauj lwm tsis txaus rau cov neeg ua txhaum. Tus thawj coj tub ceev xwm Manoj Kumar Sharma cog lus rau cov sawv cev tias ; cov tub ceev xwm yuav ua hauj lwm raws qhov tsim nyog, kom tau txuag txoj cai thiab kev nyab xeeb, txuag tsoom pej xeem kev thaj yeeb.