Kev Tso Siab Tawm Rooj Fiv Ntuj Loj
Pis Naas, Mas Les Xias teb • Tim 27-30 lub 11 hlis, 2025
Lub Koom Txoos nyob As Xias tuaj sib sau ua hmoov txog lub siab ntseeg, txoj kab xwm, thiab plhis dua tshiab. Kev Tawm Rooj Fiv Ntuj thiab Rooj Sab Laj zaum no, muaj nyob rau hauv lub tsev txais qhua The Light Hotel nyob Pis Naas, muaj cov sawv cev tshaj 1,000 leej neeg ntawm 30 tawm lub kuj cuab tuaj koom lub rooj no; yam li cov Tswv Qhia Liab, cov Tswv Qhia, cov Leej Choj, tsoom txiv neej thiab poj niam tau ua Leej Qee, thiab pab txwj laus Leej Nrog. Lub hau lus zaum no hu tias:
“Tsoom pej xeem nyob As Xias lawv ntoj kev mus ua ke… thiab lawv taug dua ib txog kev rov mus lawv teb chaws” (MT 2: 12).
Rooj Sab Laj zaum no yog lub Rooj Tswv Qhia nyob As Xias fab kev tshaj lub Moo Zoo (FABC-OE) nrog rau lub Rooj Lis Kab Xwm pab tshaj Ntuj Lus (PMS) nyob As Xias thiab lub Rooj Tswv Qhia nyob Mas Les Xias, Xees Cas Pos, Nplus Nes, thiab muaj Ceeb Koom Txoos Pis Naas ua tswv cuab, lub luag hauj lwm zaum no muaj tuaj kom tau tsim thiab txhawb siab rau ‘kev tso siab tawm rooj fiv Ntuj’ hauv lub ntuj zim txwv no.
Cov tuaj koom rooj zaum no lawv yuav hnov hais txog tej yam muaj qab hau, tau koom rooj cob qhia, tau teev Ntuj ua ke, tau ua kev zoo siab txog lawv coj txuj txoog, tau koom ua kev lom zem, thiab yog zoo caij rau lawv tau koom siab koom ntsws txhim tsa txoj kev lis kab xwm thiab tshaj Ntuj lub Moo Zoo rau lub ntuj vam txog kev plhis dua tshiab.
Cov qhua tseem ceeb muaj yam li Tswv Qhia Liab Tas Nke (Car. Luis Antonio Tagle), Tswv Qhia Liab Faws Laus (Car. Filipe Neri Ferrao), Tswv Qhia Liab Das Vis (Car. Pablo Virgilio David), Tswv Qhia Liab Fas Ntshis Kus (Car. Sebastian Francis), thiab lwm tus ntxiv. Tsis tas li ntawd, pawg tub ntxhais hu nkauj Rexband thiab Txiv Plig Nkas Lis As (Fr. Rob Galea) tseem yuav tuaj hu nkauj ua yeeb yam rau sawv daws saib thiab.
Lub siab ntseeg pib swv ntoj kev nyob ntawm Pis Naas.
