Hnub tim 10 lub 9 hlis no, Txiv Plig Vang raug tsa ua Tswv Qhia nyob Zhangjiakou. Hais tau tias yog thawj tus Tswv Qhia ntawm lub Cheeb Koom Txoos Zhangjiakou uas nyuam qhuav teeb tsa nyob Suav teb. Lub Cheeb Koom Txoos tshiab no nyob hauv kev saib xyuas ntawm lub Cheeb Koom Txoos Pej Ceeb. Muaj ib lub tuam tsev teev Ntuj nyob Zhangjiakou. Txiv Plig Vang yug hnub tim 19 lub 11 hlis 1962.
Txij xyoo 1984 txog 1988, nws tau mus kawm cov txuj kev ntseeg nyob Hawv Pem thiab nws tau mus xyaum ua Txiv Plig 2 xyoos nyob Qujiaozhuang. Nws raug tsa ua Txiv Plig hnub tim 24 lub 5 hlis 1990. Thiab raug tsa ua tus Txiv Plig nyob hauv tib lub tsev teev Ntuj ntawd xyoo 1991. Dhau ntawd nws tau ua hauj lwm rau lub Cheeb Koom Txoos Xuanhua. Lub Cheeb Koom Txoos tshiab no kav tas 36,357 square kilometers. Muaj tsoom pej xeem 4 plhom 32 txhiab 600 leej. Hos cov neeg ntseeg Kav Tos Liv yog 85,000 leej. Kev teeb tsa thiab kev txais lub Cim Tiag Tiag tshwm sim nyob hauv kev sib cog lus ntawm Vas Tis Kas thiab tseem hwv Suav.
