Lub Koom Haum Caritas Internationalis, sawv nraim ntawm cov neeg dim siav ciaj hauv av qeeg nyob Mias Mas teb ib sab yam khov kho.
Lub Koom Haum Caritas Internationalis, sawv nraim ntawm cov neeg dim siav ciaj hauv av qeeg nyob Mias Mas teb ib sab yam khov kho.
Cov thawj coj hauv lub Koom Haum Caritas Internationalis ua raws cov lus cog hauv lub Koom Txoos tias : lawv yuav sawv nraim ntawm tsoom pej xeem Mias Mas ib sab. Tom qab av qeeg muaj ceem nyob nruab nrab hauv Mias Mas teb, lub zog av qeeg yog 7.7 magnitude.
Lub Koom Haum Caritas tau ua hauj lwm nyob Mias Mas teb los ntev nyob hauv KMSS (Karuna Mission Social Solidarity). Thiab lawv cog lus tias lawv yuav sawv nraim ntawm cov neeg raug teeb meem ib sab, nyob hauv lub caij uas lawv xav tau kev pab, thiab koom tes nrog lub Koom Haum ntiaj teb.
Peb tab tom npaj txhua ua yam kev pab kom tau mus pab tsoom pej xeem Mias Mas raws tib neeg kev ncaj ncees kom sai. Thiab txhawb nqa tsoom pej xeem lub neej hauv kev sib tawm zaum no koj rov muaj lub neej tshiab.
Christian Modino Hok tus thawj coj fab kev ncaj ncees nyob hauv lub Koom Haum Caritas Internationalis yog tus hais cov lus no. Av qeeg nyob hauv hnub tim 28 lub 3 hlis, thaum sij hawm 12 teev 50 fiab. Lub sij hawm av qeeg tsis muaj dab tsi ceeb toom los yog qhia ua ntej rau tsoom pej xeem paub li. Qhov chaw av qeeg yog nyob ze lub nroog Sagaing thiab nrug deb ntawm lub nroog li 34 km. Ua rau muaj kev piam sij loj kawg nyob hauv lub nroog thiab lwm lub nroog. Xws li lub nroog Mandalay, Yangon, Naypyidaw, Bago, Magway, thiab qee thaj tsam nyob hauv lub xeev Shan.
Tej chaw uas muaj tsev teev hawm, tsev kawm ntawv, tsev kho mob, kev tsheb, tshav dav hlau, chaw tsim hluav taws xob thiab Telecommunications kuj puav leej tau txais kev piam sij loj kawg.
