Nco txog cov neeg tuag hauv txheej neeg zam kev tuag.

Nco txog cov neeg tuag hauv txheej neeg zam kev tuag.

Hnub tim 2 lub 11 hlis thaum tas txhua qhov chaw nyob thoob ntiaj teb hla dhau tej qab zib thiab tej khaub ncaws hnav hauv hnub Halloween lawm. Lub Koom Txoos Kav Tos Liv yuav sib sau ntsiag ntsiag nyob hauv tsev teev Ntuj thiab nyob ntawm toj ntxas, kom tau thov Ntuj rau cov neeg tuag. Hnub nco txog cov neeg tuag tus ntsuj plig ntawd yog qhov ntsia tsis pom, tab sis nws muaj keeb kwm ntxim siab thiab muaj ntau yam kev puas siab puas ntsws.

Ib qho uas neeg tsis tshua paub.   

Lub caij no nws luv dua qhov coob leej xav, ntev los lawm uas tsis muaj qhov teeb hnub kom meej tseeb rau kev thov Ntuj rau cov neeg tuag. Xyoo 998 Leej Ntshiab Odilo tus Txiv Plig Cluny uas nyob Fab Kis teb, tau txhib kom tas cov tsev teev Ntuj uas nws saib muab hnub tom qab ntawm hnub hwm tsoom Leej Ntshiab los ua hnub nco txog cov neeg tuag. Lub caij no thiaj ri mus sai heev thiab mus txog Los Mas hauv tiam 14. Qee tus yam ntxwv muaj ntsis sib txawv. Xyoo 1915 Vaj Qhia Npes Nes Dis 15 tus siab fab rau ntsuj tsov rog ntiaj teb zaum ib txoj kev phem, nws thiaj tso lus rau cov Txiv Plig ua thaj txi Ntuj ib hnub 3 zaug nyob hauv hnub tim 2 lub 11 hlis. Yog kev tso lus kheev tshwj xeeb, vim raws kev cai lub Koom Txoos tsuas kheev cov Txiv Plig ua thaj txi Ntuj ib hnub ib zaug xwb. Cov mus tsham tsev teev Ntuj los toj ntxas thiab ua raws qhov teeb tseg, mas yuav tau txais kev daws txhaum tiav log. Tab sis kev zam txhaum ntawd tuaj yeem siv tau nrog tus ntsuj plig hauv kev daws txhaum xwb, tsis yog daws txhaum rau tus kheej. Lub Koom Txoos xam tias kev nyiam kev hlub uas peb muaj rau cov neeg tuag yog qhov peb ua tawm rau lawv pom. Lub caij no muaj qhov ntxhov quav niab rau Aas Kiv tej kab lis kev cai thov Ntuj rau tus ntsuj plig. Yog qhov uas neeg pluag yuav tau mus khob luag tej qhov rooj, kom tau thov Ntuj rau cov neeg tuag los pauv lub ncuav fab ntsuj plig. Ces xav tias yog qhov pib ntawm cov kab ke thov qab zib. Zim txwv no hnub nco txog cov neeg tuag nyob Mev Xis Kos teb, yog kev sib xyaws ntawm Kav Tos Liv cov kab ke thiab tej kev cai hauv zej zog. Nyob hauv Pos Kas teb, mas cov toj ntxas yuav muaj txog plhom tus tswm ciab cig ntsa iab hauv hmo cov ntsuj plig. Zaj nkauj Dies Irae hauv lub thaj txi Ntuj rau cov neeg tuag ntawd, yog ib feem ntawm cov kab ke no.

Kev tshuaj xyuas fab siab ntsws.

Lub Koom Txoos txoj cai hais txog kev daws txhaum, yog kev sib txuas lus ntawm cov neeg ciaj thiab cov neeg tuag tsis yog kawg rau lub qhov ntxa, thiab cov neeg ciaj tuaj yeem ua tau qee yam rau cov neeg tuag. Fab siab ntsws txheej tshiab tau lo lus xaus uas sib xws kawg los ntawm qhov sib txawv. Tas hauv tiam 20 ntau yam uas tawm los ntawm Freud's hais txog ‘kev xyom thiab kev tu siab’ uas raug ntsia pom tias kev xyom uas muaj lub cev ntaj ntsug zoo yog kev maj mam txiav kev sib raug zoo ntawm cov neeg tuag thiab tshais ruam ntxiv mus. Klass Silverman thiab Nickman uas nyob hauv phau ntawv kev sib raug zoo tseem nyob xyoo 1996, tau tiv txog qhov ntawd heev kawg. Ua kom pom tias cov uas lawv ploj tus neeg lawv nyiam lawm coob, tseem txuag kev sib raug zoo nrog cov neeg tuag ua ntu zus. Hauv kev sib tham, kev qhia uas paub los ntawm cov neeg tuag tej kab ke thiab lwm yam. Qhov no kheev kheev ua lub Cim ntawm kev sib kho zoo dua kev txhaum. Hnub nco txog cov neeg tuag, yog ua kev kom kev nkag siab ntawd meej tseeb. Nws ua kom kev sib raug zoo ua ntu zus muaj lub caij, muaj chaw, muaj hauj lwm thiab muaj zej zog. Cov kab ke uas muaj qhov tseem ceeb no, kev soj ntsuam ntawm Norton thiab Gino's pom tias; cov kab ke uas ua tom qab kev ploj tuag pab txo kev phem ntawm kev tu siab thiab txhab neeg txoj kev xav. Kev taws tswm ciab los yog kev sawv nyob ntawm ntxa, pab txhawb tej kev xav zoo tsis yog tias tsis muaj qab hau.

Kev tsuj xeeb no tseem haum nrog tus qauv txheej txheem txooj ntawm Margaret thiab Henk Schut uas piav txog kev tu siab, tab sis muaj lub cev ntaj ntsug zoo tias; yog ib qho kev sib hloov ntawm kev daws teeb meem nrog kev ploj tuag thiab kev rov mus txog txoj sia li qub. Hnub hwm cov neeg tuag yog hnub uas ib tsoom neeg yuav tiv nrog kev ploj tuag thiab rov mus ua lub neej xws li qub. Cov kab ke yog zoo li tej twj rau kev tu siab uas yuav ua kom nyob nrog kev tu siab tas mus li. Hauv zaj hais txog kev tuag, mas kev ua los rhuav tshem kev ntshai hais tias : kev xav txog yus txoj kev tuag yog qhov txhawj xeeb uas peb ua nyob hauv tej kev cai, muaj lub ntsiab thiab kev ntseeg. Lub neej txheej tshiab feem ntau hauv kev ua txog tej no, yog kev zam. Tsev kho mob zais kev tuag, tej ntees tuag me zuj zus thiab peb yuav hloov kev sib tham. Cov lus qhia qub qub ntawm lub Koom Txoos uas hu ua ‘nco txog kev tuag’ yog qhov nco tias yuav muaj koj hnub tuag. Qhov ntawd yog yam tsis haum nrog txoj kev xav no. Muaj qee yam pov thawj qhia tias ; hauv qhov chaw tsim nyog, kev xav txog qhov tuag yuav coj mus txog qhov muaj kev ncaj ncees, kev hlub kev khuv leej thiab qhov tseeb ntawm yus tus kheej ntau dua qhov ua kom tag kev cia siab.

Vim li cas zaj no thiaj tseem ceeb nyob hauv zim txwv no ?

Muaj qee yam hauv lub neej txheej tshiab, ua kom lub caij qub qub xws li no rov los muaj qab hau dua ib zaug. Tus kab mob COVID-19 sib kis yav tas los, ua kom coob leej ntsib kev tu siab thiab tsis muaj lub caij nyoog los pam lawv cov neeg tuag los yog tu moo. Zim txwv no yog hu ua ‘kev tu siab laug caij nyoog.’ Yog qhov raug lees txais kom ua cov kws kho mob lub nra raug cai. Coob leej tab tom ntsib nrog yam uas Kenneth Doka hu ua : “Kev tu siab uas zej zog tsis lees txais.” Xws li kev tu siab hauv kev nchuav me nyuam, kev tu siab txog cov txheeb ze nrug mus, los yog kev ploj phooj ywg hauv kev siv tshuaj los yog rov tua tus kheej tuag. Lub caij uas zeem tseeb tias txhua tus ntsuj plig puav leej muaj nuj nqis hauv kev teev Ntuj, tsis hais kev ploj tuag ntawd yuav tshwm sim los li cas kuj xij. Yog qhov teb thiab nplij cov neeg no tau tseeb kawg. Dhau no lawm, lub caij no tseem pab kho kev nyob twm zeej. Zim txwv no kev ntsoos yog qhov tseem ceeb kawg, thiab hnub hwm cov neeg tuag tus ntsuj plig, kuj txuas tus kheej ntiag tug kom haum nrog cov zej zog mus txog cov neeg txawv txheej neeg. Tsis hais cov tseem ua neej nyob los sis cov tuag mus lawm. Zim txwv no qhov peb raug hu kom nco txog cov neeg lawv teb tsis tau peb ntawd, yog qhov nyuab uas yuav tau pom. Peb tsis tas yuav ntseeg txog kev ntseeg ntawm lub Koom Txoos hauv zaj ‘ntxuav txim txhaum’, peb kuj nkag siab txog qhov muaj nqis hauv lub caij no. Vim saib zoo li tias peb txhua tus puav leej xav tau lub caij nyoog thiab ib qho chaw kom tau tuav txog cov neeg tuag lub npe. Hnub hwm cov neeg tuag ua kom pom tseeb tias; kev tu siab tsis yog kev piam sij hauv kev tshais ruam hla kev ploj tuag, tab sis qhov tseeb tiag nws yog ib tug qauv ntawm kev nyiam kev hlub uas tseem muaj nyob. Lub zog twg uas hais txog cov neeg tuag tsis tau, mas lub zos ntawd kuj hais tsis tau txog kev ua lub neej nyob ib yam.

Kwv tij Hmoob sawv daws ! Hnub no peb tham txog hnub nco txog cov neeg tuag los xaus li no xwb. Txhua txhua xyoo hnub tim 2 lub 11 hlis, mas lub Koom Txoos muab los ua hnub hwm los yog nco txog cov neeg tuag. Ces peb yuav nco ntsoov los thov Ntuj rau peb cov neeg txheeb ze uas tau tag sim neej lawm. Kom lawv tau mus nrog Tswv Ntuj nyob pem lub teb chaws tshav ntuj nrig thiab kaj siab lug !

Thov Huab Tais Yes Xus Pleev lub txiaj ntsim nrog nej nyob, ua nej siab kaj lug ! Lwm zaus peb mam sib ntsib dua, nej sawv daws nyob zoo 

Hmong Survey Popup Image