Lub Koom Txoos koom nrog cov tseem hwv daws teeb meem tshuaj txhaum kev cai nyob hauv lub xeev Maghalaya nyob Is Ntias teb
Lub Koom Txoos nyob ntawm cov roob Garo tau koom tes nrog cov nom hauv cov zej zog nyob Is Ntias toob fab pej, daws cov teeb meem kev kub ntxhov txog tshuaj txhaum kev cai nyob hauv tsoom pej xeem. Raws kev soj ntsuam ntawm cov tseem hwv, pom tias tsoom pej xeem 10 feem pua ntawm tas tsoom pej xeem 3 plhom tawm leej nyob hauv lub xeev Maghalaya muaj feem cuam txog tshuaj txhaum kev cai.
Cov sawv cev ntawm txhua txoj kev teev hawm tau nrog cov tub ua hauj lwm fab kev rhuav tshem, kev txwv thiab sib koom ua cov hauj lwm DREAM ntawm cov tseem hwv hnub tim 23 lub 4 hlis. Tau pom zoo muab lub tsev teev Ntuj Baptist hauv lub nroog Tura ua qhov chaw cim tshuaj.
Francis Kharshiing uas nws yog tus thawj coj ntawm DREAM hais tias ; kev sib koom tes ntawm cov tseem hwv thiab lub Koom Txoos yog qhov tseem ceeb hauv kev daws teeb meem tshuaj txhaum kev cai thiab ua raws zej zog. Dhau ntawm kev quav yeeb quav tshuaj lawm, tshuaj txhaum kev cai tseem ua teeb meem rau lub cev ntaj ntsug thiab neeg tus cuj pwm, xws li kev koom nkaug tshuaj ua ke. Ua kom muaj coob leej neeg sib kis tus kab mob Aids los HIV, thiab cov neeg muaj tus kab mob siab B thiab C txhab ntxiv. Ua teeb meem rau fab kev noj qab haus huv dav kawg.
