Lub Koom Txoos nyob Thaib teb rov cog lus sib koom tes nyob hauv lub lis piam kev thov Ntuj
Lub Koom Txoos Kav Tos Liv nyob Thaib teb koom nrog lwm cov Plos Tes Taas ua hmoov tsuj xeeb lub lis piam kev thov Ntuj, kom muaj kev sib koom tes ntawm cov neeg ntseeg ua qhov tshwj xeeb, hauv hnub tim 19 lub 1 hlis 2025.
Cov kab ke yog ua nyob hauv lub tsev teev Ntuj Holy Rosary, uas yog lub tsev teev Ntuj qub tshaj cov nyob tuam ceeb Bangkok.
“Hnub thov Ntuj rau kev sib koom tes ntawm cov neeg ntseeg hauv xyoo no, yog kev muab siab rau uas tseem ceeb txhawb nqa kev sib koom tes ntawm txhua txoj kev ntseeg.” Tswv Qhia Chusak Sirisut uas nws yog tus thawj tswj cov Tswv Qhia Kav Tos Liv nyob Thaib teb (CBCT), thiab yog tus thawj cov kav xwm Tswv Qhia hauv kev sib koom tes thiab kev sib tham nrog lwm txoj kev teev hawm hais cov lus no.
Nyob hauv cov lus qhib, Tswv Qhia Sirisut hais tias : “Hnub no peb tuaj sib sau ua ke, kom tau thov Ntuj rau kev sib koom tes uas ntsia pom nyob hauv lub Koom Txoos. Uas yog uas raws Yes Xus lub hom phiaj thiaj ncaj ncees. Nws thov Ntuj thiab vam tias sawv daws yuav sib koom ua ib tug.”
Nws hais tias tas ntiaj teb lub lis piam ntawm kev thov Ntuj, yog nyob hauv hnub tim 18 txog 25 lub 1 hlis. Yog lub sij hawm ntawm kev rov xav thiab kev txhim kho ntawm cov neeg ntseeg.
