Lub Koom Txoos thiab cov tub tawm tsam nthuav kev cog ntoo roj Palm nyob Pas Puas hauv Is Ntos Nes Xias teb

Cov neeg thuam hais tias : kev ua li no yuav ua kev piam sij rau txhua yam nyob ib puag ncig thiab tsoom pej xeem ntau dua tej txiaj ntsim uas tau los hauv kev lag luam.

Cov Txiv Plig Kav Tos Liv tau koom nrog cov tub tawm tsam, Txiv Plig tau koom nrog cov tub taij thov kev ncaj ncees, tawm tsam  txog qhov tseem hwv yuav ua kom cov thaj tsam cog ntoo roj Palm nyob Papua hauv Is Ntos Nes Xias teb dav tuaj.

Lawv hais tias kev ua li no yog teeb meem rau txhua yam nyob ib puag ncig thiab tsoom pej xeem nyob txawm. Hauv kev sib tham hnub tim 8 lub 1 hlis, Txiv Plig Bernardus Baru nyob Timi hais tias : “Kev ua kom tej chaw cog ntoo roj Palm dav tuaj, yuav ua teeb meem rau txhua yam nyob ib puag ncig thiab tej zej zog uas lawv vam txog hav zoov ntau dua qhov tseem hwv ua.” Nws hais ntxiv tias : “Lub ntiaj teb tab tom xav tau ntau ntxiv zuj zus. Thiab xav rhuav tshem txhua yam kom puas tsuaj.”