Nyob Orissa : cov neeg ntseeg Pentecostals, raug ntaus vim lawv tsis kam rov mus coj kev teev hawm Hinduism

Muaj 7 tus neeg ntseeg raug xa mus rau tsev kho mob, tom qab lawv rau ib pab neeg phem Hinduism ntaus. Lawv raug ntaus thaum lawv tab tom taug kev rov ntawm lub tsev teev Ntuj hauv lawv lub zos Orissa. 

Kev tso hem thawj thiab kev hiam muaj txhab ntxiv txij thaum pab nom BJP tau sawv los ua nom nyob hauv lub nroog Bhubaneswar. 

Tswv Qhia hais tias : “Cov neeg raug saib tsis taus, vim lawv txoj kev ntseeg.”

Cov neeg Hindutva uas ntaus cov neeg ntseeg Plos Tes Taas nyob Bajrang Dal, lawv hais tias lawv tsis muaj feem cuam txog dab tsi. Cov neeg ntseeg nyob hauv cheeb tsam thiaj tuaj sib sau nyob ntawm cov tub ceev xwm lub tsev ua hauj lwm. Muaj cov Hindu hem kom lawv hloov kev ntseeg thiab zoo siab txais kev teev hawm Hinduism. Tab sis cov uas lawv ib txwm yog neeg ntseeg, lawv coob leej tsis kam hloov.