Cov tub ua hauj lwm ntsia pom Yes Xus nyob hauv txhua tus neeg thiab lawv ua hauj lwm rau tus txhua neeg mob hauv lub meej mom thiab kev sib pom dej siab. “Nov yog ib qho laij thawj ntawm cov neeg nyob nyab xeeb ntawm no.”
Hauv lub teb chaws uas cov tsev kho mob feem ntau yog tseem hwv li, mas lub tsev kho mob Fab Kis tau rais ua lub Cim ntawm kev cia siab rau ntau yim neeg, thiab cov hauj lwm no tseem loj hlob ua ntus zus. Tsis ntev los no lub tsev kho mob tau qhib ib chav tsev tshiab uas yog kho mob plawv. Cia kho cov neeg mob plawv thiab phais plawv. Yog qhov tseem ceeb rau txhua tus neeg nrog rau cov neeg ntseeg huv si. Lawv yuav tau nkag mus txog kev kho mob yam zoo heev.
Lub tsev kho mob cov hauj lwm, kheev kheev nthuav dav mus deb dua kev saib xyuas lub cev ntaj ntsug. Thaum muaj kev kub ntxhov mas lub tsev kho mob tau nrhiav chaw rau cov neeg ua hauj lwm, uas lawv tej vaj tse piam sij kom lawv muaj chaw pw. Dhau no lawm tseem nrhiav kev thauj cov neeg ua hauj lwm mus los thiab, vim kev mus ko taw hla lub nroog Damacus yav hmo ntuj nws txaus ntshai heev zuj zus. Tsis muaj teeb hluav taws xob, tsaus ntuj nti thiab tib neeg tsis tau luag.
Kev cia siab txog yav tom ntej.
Leej Phauj Judita xav tias lub tsev kho mob yuav tsum vam txog kev txhawb nqa ntawm txawv teb chaws ntau dua. ‘Kev pab txhua yam puav leej zoo siab tos txais, tsis hais nyiaj txiag los cov twj cuab yeej. Peb xav tau ib lub tsheb tshiab los thauj cov neeg mob sai sai thiab peb kuj xav tau kev pab uas kav tau tej kev siv nyiaj hauv kev phais cov neeg pluag txom nyem thiab.’ Txawm li cas kuj xij, tsis hais hauv tsov rog, hauv tej kev txom nyem thiab kev tsis ruaj khov. Lub neej hloov mus yog qhov uas yug Leej Phauj txoj kev cia siab. Leej Phauj Judita piav txog ib tug me nyuam ntxhais uas yug ua ntej tsis tau txog caij, yog thaum xeeb nws tau 6 lub hlis.
“Tus me nyuam ntxhais ntawd yug ncaj rau hnub hwm Leej Ntshiab Mis Kas Ees, ces peb thiaj tis nws lub npe hu ua Mis Sas. Hnub no tus me nyuam ntxhais ntawd lub cev ntaj ntsuj muaj zog khov kho, thiab nws lub hnub nyoog twb muaj 2 xyoos lawm. Lub sij hawm zoo li no peb muaj kev zoo siab kawg.”
Nws qhia peb tias : “Vim li cas peb thiaj tseem yuav ua ntxiv mus ?”
