Tsoom tub ntxhais hluas nrhiav qhov tseeb ntawm kev cia siab, hauv kev mus kev tsuj xeeb txwm 27 xyoo
Muaj cov tub ntxhais hluas li ntawm 90 leej, tuaj ntawm Balangoda mus rau tus mlom Niam Mab Liab Assumption nyob Thanjanthenna hauv Xis Laas Kas teb. Lawv mus kev yog 27 kis los mev. Hais tau tias yog kev nrhiav qhov tseeb kom tau nkag siab txog lub neej, hauv kev txhawj xeeb txog txhua yam nyob ib puag ncig. Kev mus kev zaum no kuj muaj cov hauj sam koom nrog thiab.
Txiv Plig Hariharan Rajappriya uas yog tus thawj tswj cov tub ntxhais hluas nyob hauv lub Cheeb Koom Txoos hais tias : “Peb lub neej yog kev nrhiav qhov tseeb. Kev mus kev nrhiav qhov tseeb ntawd, ua kom peb nkag siab txog lub neej ntau dua qhov peb xav.” Hnub tim 8 thiab tim 9 lub 8 hli no, lub Cheeb Koom Txoos Ratnapura tau npaj “Kev nrhiav qhov tseeb hauv kev cia siab”. Lawv tau mus kev 27 kis los mev txij ntawm lub tsev teev Ntuj hwm Leej Ntshiab Yos Xes nyob Balangoda, mus txog rau tus mlom Niam Mab Liab Assumption nyob Thanjanthenna. Muaj cov tub ntxhais hluas uas yog neeg Tamil thiab neeg Sinhalese 90 leej nyob hauv lub Cheeb Koom Txoos. Lawv sib koom mus kev ua ke 2 hnub kom tau nrhiav qhov tseeb. Lawv pib nyob hauv 10 teev sawv ntxov. Lawv muaj kev sib faib lawv tej kev paub nyob hauv kev ntseeg, lawv dhia thiab ua kom ncaj ncees rau txhua yam nyob ib puag ncig.
