Tswv Qhia Bo tau hais lus thov txim uas cov thawj coj hauj lwm tsis tiav, thiab nws qhuas cov neeg ua hauj lwm hauv lub Koom Txoos

Tswv Qhia Bo tau lees nyob ntawm ib tsoom neeg xub ntiag txog qhov nws tus thawj coj ua hauj lwm tsis tiav. Thiab thov zam txim nyob hauv lub thaj txi Ntuj Yes Xus sawv rov los, hauv lub tuam tsev teev Ntuj Leej Ntshiab Mab Liab nyob Yaas Nkoos. Nyob hauv nws cov lus ntuas, nws tau qhua txog txhua pab neeg ntseeg nyob Mias Mas teb. Nws hais tias : “Kuv lees tias peb tus nom kav teb chaws ua tau tsis tshua zoo pes tsawg. Kuv thov zam txim tiag tiag uas tsis tuaj yeem ua tau ib tug thawj coj rau nws nyob hauv fab ntsuj plig.”

Thaj txi Ntuj hauv Hnub Tsib Ntshiab, muaj cov thawj coj kev ntseeg thiab cov neeg ntseeg tuaj sib koom txais Roj Ntshiab thiab txuas hnub nyoog ntawm cov Txiv Plig. Tswv Qhia Bo tau nthuav nws cov lus ntuas ua 2 yam. Xws li ua tsaug 10 zaug thiab thov zam txim 10 zaug. Tswv Qhia Bo kuj qhuas txog Vaj Qhia Fas Ntshis Kus uas nws yog tus thawj coj hauv kev pauv ntxeev thiab ua luag tej tus tub txib. Thiab Vaj Qhia tau thov Ntuj pab kev txhawb nqa nyob Mias Mas teb yam tsis tu ncua. Yog qhov ua rau ntiaj teb paub txog kev txom nyem nyob Mias Mas teb.

Tswv Qhia lees txog kev txhawb nqa ntawm cov sawv Vaj Qhia cev, cov Tswv Qhia, cov Txiv Plig thiab cov Leej Phauj. Cov neeg ntseeg uas tau xa kev pab thiab tas tsoom neeg ntseeg nyob qhov txhia chaw.