Tswv Qhia Toppo xav tias muaj kev ua tsis ncaj ncees hais txog hluav taws kub ib lub tsev teev Ntuj qub qub

Lub tsev teev Ntuj hwm Leej Ntshiab Teresa ntawm tus me nyuam Yes Xus nyob hauv lub zos Chokragaon nyob Is Ntias teb raug tub sab nyiag hlawv ob peb hnub tom qab tsa 2 tug Txiv Plig tshiab nyob hauv lub zos.

Cov tub ceev xwm pib soj ntsuam txog cov teeb meem no. Tus Tswv Qhia uas nyob Tezpur qhua txog “Kev muab siab rau sib koom tes thiab kev sib koom tes” ntawm cov neeg ntseeg tom qab cov teeb meem no tshwm sim.

Lub tsev teev Ntuj uas raug hlawv txhim los tau 75 xyoos. Yog ib feem ntawm lub zos Chokragaon uas raug hlawv ua hluav tag. Txiv Plig Xavier Narzary uas nws yog tus lwm thawj tswj ntawm tus Tswv Qhia nyob Tezpur hais tias : “Lub zos no muaj cov neeg ntseeg Kav Tos Liv coob kawg thiab lawv ua lub neej sov siab. Muaj cov neeg Santals, cov neeg Bodos, cov neeg Nepalis thiab cov neeg Adivasis.”

Tswv Qhia Toppo nyob Tezpur thov kom cov tub ceev xwm muab siab rau soj ntsuam cov teeb meem no kom sai. Nws txhib txog cov teeb meem tseem yuav tshwm sim tuaj tom qab ntawm cov xwm txheej no. Hais txog ntawm cov Txiv Plig, mas kev hlawv tsev teev Ntuj tsis yog tias ua kev piam sij ntawm fab ntsuj plig xwb, nws tseem rhuav tshem kev sib koom tes ntawm cov neeg ntseeg thiab.

Txiv Plig Narzary xav tias tej zaum yog ua tsis ncaj ncees lawm. Nws thiaj hais txog qhov hluav taws kub tias yog kev piam sij loj kawg nyob hauv liv xwm, thiab yog qhov tsis tau muaj los dua li nyob hauv lub Cheeb Koom Txoos, thiab hauv cov kab ke tsa Txiv Plig nyob hauv zos.