Tus ntsuj plig ntawm kev tsuj xeeb xyoo ntshiab, xa kev pab mus rau cov neeg dim siav ciaj los ntawm av qeeg nyob Tis Npes
Av qeeg loj kawg thiab yog ib zaug av qeeg muaj ceem tshaj nyob ntawm lub roob Him Mas Lais. Av qeeg nyob Dingri thiab Shigatse nyob Tis Npes hnub tim 7 lub 1 hlis no. Lub zog av qeeg ntsuas tau 7.1 Richter. Yog tshaj tawm raws lub Koom Haum soj ntsuam av qeeg nyob Suav teb.
Lub zog av qeeg ua rau neeg tuag tshaj 120 leej thiab raug mob 330 leej. Ua rau tsoom pej xeem tsis muaj vaj tse nyob li ntawm 50 tawm txhiab leej. Ua kev piam sij rau tsoom pej xeem tej vaj tse ze ntawm 10,000 lub tsev. Tas ntiaj teb xa kev pab mus rau tsoom pej xeem Tis Npes. Hnub tim 9 lub 1 hlis thaum Vaj Qhia tab tom nrog cov tiam lis sib tham nyob Vas Tis Kas. Vaj Qhia xa kev tu siab thiab thov Ntuj rau cov neeg tuag. Cov tseem hwv Suav tshaj tias muaj 400 tawm tus neeg raug tsev vau thiab tsev pob los txhub tas. Lub Cheeb Koom Txoos Pej Ceeb tau thov tus ntsuj plig hauv kev tsuj xeeb xyoo ntshiab thiab hmoov tsuj xeeb Yes Xus yug los, kom cov neeg ntseeg nco ntsoov Yes Xus lo lus tias : “Yam twg koj tau ua rau kuv cov kwv tij, mas yog koj ua rau kuv.”
Lub Cheeb Koom Txoos Pej Ceeb kuj txhib kom txhua lub tsev teev Ntuj sib pab cuam. Txhua yam kev pab cuam ntawd yuav raug lub Koom Haum Divine Mercy xa mus faib rau cov neeg tau txais kev kub ntxhov.
