Tus pwm tsav Is Ntos Nes Xias thov kom cov thawj coj neeg ntseeg nyob As Xias hais xeem lus sib nyiam sib hlub.

Tus pwm tsav Umar hais tias : “Lub rooj sab laj zaum no ua
kom pom txog kev muab siab rau hauv kev txhawb nqa kev thaj yeeb, kev sib koom
siab, thiab kom lub teb chaws As Xias uas muaj kev ncaj ncees muaj kev sib koom tes
ntau dua qub.” Nws hais tias tab txawm tias muaj ntau yam kab lis kev cai, tsis kav kev
ntseeg nyob As Xias yog qhov ruaj khov kawg. Tab sis xeev ntuj no kuj ntsib ntau yam
teeb meem, xws li tsov rog, txwv kev ntseeg nruj, kev tsis sib luag, huab cua pauv
ntxeev, kev tsiv teb tsaws chaw thiab kev vam meej ntawm AI lub tswv yim tsim tawm.
Cov teeb meem no tsis yog siv kev tseev tsim los yog kev lag luam xwb thiaj daws tau.
Umar hais tias : “Kuv ntseeg tias kev sib tawg thiab kev sib txawv yuav daws kho tau
nyob hauv kev ntseeg, uas yog xeem lus sib nyiam sib hlub.” Nws hais tias kev nyiam
kev hlub txhawb nqa kev sib pom dej siab, kev nkag siab thiab kev sib hawm hauv tej
yam sib txawv. Nws ua piv txwv txog tej yam nws paub nyob Is Ntos Nes Xias teb hauv
kev nyob ua ke yam kaj siab lug. Nws hais txog cov lus cog nyob Istaqlal xyoo 2024,
uas Vaj Qhia Fas Ntshis Kus thiab Mawv Xis Lim cov thawj coj sau yuas tseg mus txog
lub qhov av ntawm kev phooj ywg nyob Jakarta. Yog lub qhov av ntawm Islam lub tsev
teev Ntuj Istaqlal txuas nrog lub tuam tsev teev Ntuj Leej Niam Assumption. Yog
lub Cim kev sib haum xeeb ntawm ob txoj kev ntseeg.
Umar hais txog lub ntsiab lus ntawm FABC lub rooj sab laj tias : “Kev nqua hu kom
muaj kev pauv ntxeev raws Synodal thiab cov hauj lwm ua tus choj thiab ua tus tuam
choj nyob As Xias.” Nws hais tias kev sab laj Synodality ua kom pom txog Is Ntos Nes
Xias tej kev cai nyob hauv kev rov xav txog thiab kev sib koom tes, uas yog txhawb nqa
kev sib tham thiab kev sib koom siab. Nws vam thiab cia siab tias kev sab laj zaum no

yuav ua kom muaj kev sib tham ntawm cov kev teev hawm, muaj kev sib koom tes fab
tib neeg kev ncaj ncees, thiab ua lub zog txhawb siab kom muaj tej yam tshwm sim
tshiab hauv kev thaj yeeb nyob thoob As Xias, ua ntej yuav qhib FABC lub rooj sab laj
loj zaum tim 12 raws kev cai.