Tus thawj coj Caritas Asia thov kom ntiaj teb muaj kev sib koom tes, hauv kev ua hauj lwm fab tib neeg kev ncaj ncees kom ntau dua qub
Tus kws txuj Benedict Alo D’Rozario uas nws yog tus thawj coj Caritas Asia, rov hais txog qhov tseem ceeb ntawm kev sib koom tes hauv cov Caritas uas yog lub Koom Haum tib neeg kev ncaj ncees ntawm cov neeg ntseeg. Nws hais cov lus no nyob hauv Partner’s Forum of Caritas Sri Lanka nyob Kos Loos Npos.
Nws hais txog cov hauj lwm tseem ceeb ntawm lub Koom Txoos thiab thov kom cov Caritas nyob thoob ntiaj teb sib koom tes ntau dua qub.
Tus kws txuj Benedict Alo D’Rozario hais tias Caritas cov hauj lwm yog los ntawm ntawv Moo Zoo thiab lub Koom Txoos cov kev ntseeg.
Nws hais txog Mas Tais zaj 25 : 31-46.
Nws piav tias kev ua hauj lwm pab luag tej, tsis yog ua kom sib raug zoo xwb. Nws tseem yog qhov ntsuas txog yus txoj kev ntseeg thiab. Kev hlub cov txheeb ze, yog hais txog pub txhiam xws rau cov neeg tshaib nqhis noj, kev txais tos lwm tus qhua thiab lwm yam. Nws hais tias qhov no ua kom pom txog kev nyiam Tswv Ntuj thiab kev nrog cov neeg pluag sib haum xeeb.
Nws tseem hais ntxiv tias : kev tsim koob hmoov tsis yog ib txoj kev ua hauj lwm uas yuav cia lwm tus hloov ua tau, tab sis yog ib feem peev xwm ntawm peb thiab yog qhov peb yuav tsum muaj nyob hauv peb.
